ایک نیوز :چیئرمین پیپلزپارٹی بلاول بھٹو کی وزارت داخلہ کے دفترآمد،شہدا دیوار پر شہید بینظیر بھٹو کی تصویر نصب کی۔
اسلام آباد: پاکستان پیپلزپارٹی کے چیئرمین بلاول بھٹو زرداری کی وزارت داخلہ کے دفتر آمد
— PPP (@MediaCellPPP) December 11, 2023
اسلام آباد: چیئرمین بلاول بھٹو زرداری کا نگران وزیرداخلہ سرفراز بگٹی نے استقبال کیا
اسلام آباد: چیئرمین بلاول بھٹو زرداری نے وزارت داخلہ کی دیوارِ شہدا کا دورہ کیا
اسلام آباد: چیئرمین بلاول… pic.twitter.com/DRA8HQkFFC
تفصیلات کے مطابق وزارت داخلہ آمد پر نگران وزیرداخلہ سرفراز بگٹی نے چیئرمین پیپلزپارٹی بلاول بھٹو کا استقبال کیا ۔بلاول بھٹو زرداری کی جانب سے وزارت داخلہ کی دیوارِ شہدا پر شہید بینظیر بھٹو کی تصویر کی رونمائی کی گئی۔نگران وزیرداخلہ سرفراز بگٹی بھی موجود تھے۔
چیئرمین پیپلزپارٹی بلاول بھٹواور نگران وزیرداخلہ سرفراز بگٹی نے مشترکہ پریس کانفرنس کی۔
چیئرمین پیپلزپارٹی بلاول بھٹو نے پاکستان میں دوبارہ دہشت گردی کا ذمہ دار سابق وزیراعظم عمران خان کی حکومت کو قرار دیدیا ۔
بلاول بھٹو نے کہاکہ عمران خان حکومت کی غلط پالیسیوں کی وجہ سے آج ایک بار پھر پاکستان کو دہشتگردی کے خلاف جنگ میں قربانیاں دینا پڑ رہی ہیں۔ سابق وزیراعظم نے دہشتگردوں کو افغانستان سے واپس آنے کی دعوت دی۔
نگراں وفاقی وزیر داخلہ سرفراز بگٹی کاکہنا تھاکہ بینظیر بھٹو دنیا کی عظیم لیڈر تھیں مگر دہشتگردوں نے ان کو ہم سے جدا کیا، ان کے قاتلوں کو معاف کرنے کا اختیار بلاول بھٹو کے پاس ہے ریاست کے پاس نہیں۔