رابی پیرزادہ نے ٹوئٹر پر پوسٹ شیئر کی جس میں ایک برف میں پھنسی بس دکھائی دے رہی ہے،سابق گلوکارہ نے بتایا کہ یہ تصویر میں نے خود کھینچی تھی۔
ساتھ ہی رابی پیر زادہ نے سانحہ مری پر ایک سیاح کی گفتگو شیئر کی جس میں مقامی افراد کا سیاحوں سے رویہ اور سلوک بتایا گیا۔
انہوں نے لکھا کہ جو کچھ نیچے کسی بھائی نے لکھا ہے وہ حرف بہ حرف سچ ہے۔ انہوں نے انکشاف کیا کہ دو رات پہلے مری میں برف میں پھنسے ہوئے خاندانوں کو اہلیان مری 500 روپے کا ایک انڈا فروخت کر رہے تھے۔
View this post on Instagram
ناصرف یہ بلکہ رابی نے اپنی پوسٹ میں کہا کہ مقامی لوگ ہوٹل کے کمرے کا کرایہ 30 ہزار سے 50 ہزار روپے مانگ رہے تھے جب کہ پانی کی بوتل بھی 500 روپے کی فروخت کی جا رہی تھی۔
رابی پیر زادہ نے بتایا کہ چھوٹی گاڑی کو دھکا لگانے کے 3 ہزار اور بڑی گاڑی کو دھکا لگانے کے 5 ہزار روپے وصول کیے جا رہے تھے، آج سب مددگار بنے ہوئے ہیں اور ہوٹل مالکان بھی نیک بن گئے ہیں۔
واضح رہے کہ مری میں برفباری میں دھنسنے اور گاڑیوں میں دم گھٹنے سے 23 افراد جاں بحق ہوگئے تھے، پنجاب حکومت کی جانب سے مری میں جاں بحق ہونے والوں کے لواحقین کے لیے مالی امداد کا بھی اعلان کیا گیا ہے۔