شان شاہد کا اپنی سالگرہ پرجذباتی پیغام

شان شاہد کا اپنی سالگرہ پرجذباتی پیغام

ایک نیوز: شان شاہد نے51 ویں سالگرہ پر  اپنے سوشل میڈیا اکاونٹس پر   جذباتی پیغام جاری کیا۔
تفصیلات کے مطابق لالی وڈ سپر اسٹار شان نے لکھا کہ انہوں نے اپنے 35 سالہ فلمی کیئریر میں 600 سے زائد فلمیں کی ہیں جوکہ ان کے لیے اعراز ہے۔پاکستانی فلموں کے سپر اسٹار شان شاہد 51 برس کے ہوگئے۔ اپنی سالگرہ کے موقع پر شان نے بطور محب وطن پاکستانی ایک جذباتی پیغام لکھا جو کہ شان نے اپنے تمام سوشل میڈیا اکاونٹ ٹیوئٹر اور انسٹاگرام پر شیئر کیا۔

 اداکار نے لکھا کہ وہ 27 اپریل 1972 کو پاکستان میں پیدا ہوئے تھے اور ان کی پاکستان سےمحبت نا ختم ہونے والی ہے۔ اس سفر میں کئی اتار چڑھاؤ آئے لیکن پھر بھی میری محبت پروان چڑھ رہی ہے۔ 1988 میں پاکستانی فلمی صعنت سے وابستہ ہوا۔ اپنے 35 سالہ فلمی کیئریر میں 600 سے زیادہ فلمیں کی ہیں۔ میرے لیے یہ اعزاز ہے کہ میں پاکستانی اداکار ہوں، پاکستانیوں کے لیے اپنی خدمات ایسے ہی پیش کرتا رہوں گا۔

اداکار کے مداحوں نے ناصرف ان کو سالگرہ کی مبارک باد دی ، بلکہ ان کی خدمات کا اعتراف بھی کیا۔ایک صارف نے لکھا کہ آپ کی حب الوطنی کسی بھی شبہ سے بالاتر ہےہم جانتے ہیں کہ آپ نے پرائم ٹائم میں بالی ووڈ میں کام کرنے سے انکار کردیا تھا۔جب آپ آسانی سے تمام ہندوستانی فلمی سپر اسٹارز کو پیچھے چھوڑ سکتے تھےلیکن آپ نے یہ جاننے کے باوجود کہ یہ وینٹی لیٹر پر ہے پاکستان میں کام کرنے کو ترجیح دی۔

ایک صارف نے لکھا کہ میں آپ کے والد کا بہت بڑا مداح تھا جب فلم زرقا دیکھی اور آپ کے والد کی محبت میں گرفتار ہو گیا۔ ایسے ہی کام جاری رکھیں۔

 شان کے مداح ان کو انکی سالگرہ پر وش کر رہے ہیں۔ شان شاہد نے ریما کے ساتھ پاکستانی فلم بلندی سے ڈیبیو کیا۔ جس کے بعد انہوں نے سینکڑوں پنجابی اور اردو فلموں میں کام کیا۔

شیئر کریں:

Hasan Moavia