فرخ حبیب نے بھی تحریک انصاف چھوڑ دی، استحکام پاکستان پارٹی میں شامل

فرخ حبیب نے بھی تحریک انصاف چھوڑ دی، استحکام پاکستان پارٹی میں شامل
کیپشن: فرخ حبیب نے بھی تحریک انصاف چھوڑ دی، استحکام پاکستان پارٹی میں شامل

ایک نیوز :تحریک انصاف کے مرکزی رہنما  فرخ حبیب نے بھی تحریک انصاف سے راہیں جدا کرتے ہوئے استحکام پاکستان پارٹی میں شمولیت کا اعلان کردیا۔

تفصیلات کے مطابق پریس کانفرنس کرتے ہوئے فرخ حبیب نے  کہا کہ 9 مئی کے افسوسناک واقعات کے بعد ہم گھروں سے دور تھے ۔

ہم لوگ 9 مئی کے واقعات پر قانون کا سامنا نہیں کررہے تھے ۔ہم تو قائد اعظم کا پاکستان بنانے کیلئے پی ٹی آئی میں شامل ہوئے تھے ۔پرامن راستے کے بجائے تشدد کا راستہ اختیار کیا گیا۔نوجوانوں کے ذہنوں میں بٹھایا گیا کہ ادارے ہمارے خلاف ہیں ۔معصوم لوگوں کے جذبات کو بھڑکایا گیا۔

عدم اعتماد کی تحریک پر حکومت کو آئینی طریقے سے ہٹایا گیاتھا۔عدم اعتماد کے بعد ہمیں چین سے نہیں بیٹھنے دیا گیا۔آپ قانونی طریقے سے ہٹ گئے ہیں تو آپ کو انتخابات کا انتظار کرنا چاہیے تھا ،ہم خود مار کھا لیتے تھے، پر امن احتجاج کی ہم کال دیا کرتے تھے۔

ان کا کہناتھا کہ حالات کے تسلسل اورجذبات کی وجہ سے میں بہت آگے نکل گیا تھا۔اس موقع پر انہوں نے استحکام پاکستان پارٹی میں شامل ہونے کا اعلان کیا۔ان کا کہناتھا کہ چیئر مین تحریک انصاف کے پاس کوئی اعلیٰ اخلاقی بنیادیں نہیں ۔توشہ خانے کے معاملے پر ہمیں دفاع کرنے کا کہا گیا ۔ہمیں بعد میں پتہ چلا کہ خان صاحب نے اس سے خود فائدہ اٹھایا ہے ۔عمران خان نے بہت لوگوں کو ٹشو پیپرز کی طرح استعمال کیا ۔القادر یونیورسٹی کے معاملے کو بندلفافے کو کابینہ سے منظور کرایا گیا ۔

شیئر کریں: