ایک نیوز: ایلون مسک کی ملکیت والی سماجی رابطوں کی ویب سائٹ ٹوئٹرنے ویڈیوز بنانے والوں کو اشتہارات سے ہونے والی کمائی میں حصہ دینے کی پیشکش کردی ہے۔
رپورٹ کے مطابق ٹوئٹر کی جانب سے ٹویٹ میں کہا گیا ہے کہ ویڈیوز بنانے والوں کو اُن اشتہارات کی کمائی میں حصہ دیا جائے گا جو پوسٹ پر جوابات میں ظاہر ہو رہے ہوتے ہیں۔ اس کے اہل وہ تصدیق شدہ اکاؤنٹس ہوں گے جن کی پوسٹس 3 ماہ میں 50 لاکھ مرتبہ دیکھی جا چکی ہوں۔
ٹوئٹر کی کوشش ہے کہ صارفین کو زیادہ سے زیادہ ویڈیوز بنانے والوں کی طرف راغب کیا جائے،ادائیگی کیلئے صارف کا سٹرائپ پراکاؤنٹ ہونا لازم ہے۔کمپنی کی جانب سے کی جانے والی پوسٹ کے مطابق صارفین کو ٹوئٹرسے براہ راست کمائی میں مدد فراہم کرتے ہوئے ’کری ایٹر ایڈزریونیوشیئرنگ‘ پروگرام لانچ کیاگیا ہے۔اس پروگرام کو مزید آگے بڑھایا جائے گاجس کےتحت تمام اہل صارفین اپلائی کر سکیں گے۔
Surprise! Today we launched our Creator Ads Revenue Sharing program.
— Twitter (@Twitter) July 13, 2023
We’re expanding our creator monetization offering to include ads revenue sharing for creators. This means that creators can get a share in ad revenue, starting in the replies to their posts. This is part of our…
2023 کے آغاز میں بھی ٹوئٹر صارفین کو اجازت دی گئی تھی کہ وہ اپنے ویڈیوز مواد کو سبسکرائب کروا کے پیسے کما سکتے ہیں۔ ایلون مسک کا کہنا تھا کہ سبسکرپشن فیس سے ہونے والی کمائی کا پورا حصہ پہلے سال میں ویڈیوز بنانے والوں کو ملے گا۔
واضح رہے کہ اس سے قبل چند ماہ پہلے ٹوئٹرنےکمپنی کی آمدن میں اضافے کے لیے سیاسی اشتہارات کی اشاعت پرعائد پابندی ختم کرنے کا اعلان کرتے ہوئے کہا تھاکہ پلیٹ فارم پرصرف ایسے اشتہارات ہونگے جو اہم موضوعات پرعوامی مباحثے کیلئے اہم ہوں۔