وٹس ایپ میں صارفین کی سہولت کیلئے نیا اضافہ

whats app new
کیپشن: whats app new
سورس: google

 ایک نیوز : فیس بک، انسٹاگرام اور واٹس ایپ کی مرکزی کمپنی میٹا  نے وٹس ایپ کی اپ گریڈیشن کے من میں ’گروپ چیٹس فلٹر‘ کے نام سے ایک نیا اضافہ  کردیا۔

اب گوگل پلے ویب سائٹ کے بی ٹا پروگرام پر واٹس ایپ کا نیا ورژن 2.23.19.7 پیش کیا گیا ہے جس میں صارفین چیٹ فلٹرز استعمال کرسکتے ہیں۔۔ فلٹرآپشن سے گروپ ماڈریٹر اور دیگر افراد بھی گفتگو اور پیغامات پر کنٹرول رکھ سکیں گے۔ اس سے میسجنگ مینجمنٹ اور ترجیحات میں بھی آسانی ہوتی ہے۔
فیچر کے تحت گروپ چیٹس کی مکمل فہرست بنائی جاسکتی ہے اور انفرادی گفتگو کو بھی نکالا جاسکتا ہے۔ اگرچہ اس میں بزنس فلٹر ہٹادیا گیا ہے لیکن پرسنل فلٹر کو نام بدل کر ’کانٹیکٹس‘ کردیا گیا ہے۔

پھر گروپس نے نام سے ایک ٹیب بنائی گئی ہے جو فلٹر کرنے کا کام کرے گی۔ اس طرح ایپ میں گروپ چیٹس کو منظم رکھنے میں مدد مل سکے گی۔ سب سے زیادہ وہ افراد بھی فائدہ اٹھاسکیں گے جو ایک ساتھ کئی واٹس ایپ گروپ سے جڑے ہوتے ہیں۔ ان میں کام ، اہلِ خانہ اور دلچسپیوں کے گروپ اور دیگر شامل ہوسکتے ہیں۔

لیکن اب بھی صرف چند افراد ہی یہ فیچر استعمال کررہے ہیں اور مکمل آزمائش کے بعد ہی اسے واٹس ایپ کا حصہ بنایا جاسکے گا۔

یاد رہے کہ واٹس ایپ دیگر حیرت انگیز فیچرز پر بھی کام کررہا ہے۔ ان میں ایک فیچر ای میل تصدیق کی ہے ، دوسرا فیچر کال کے دوران آئی پی ایڈریس چھپانے کا ہے جبکہ دیگر فیچرز پر بھی غور ہورہا ہے

شیئر کریں: