او آئی سی کاغزہ میں خواتین کو تحفظ کی فراہمی کا مطالبہ

ویب ڈیسک:  سیکرٹری جنرل اوآئی سی حسین ابراہیم طہٰ نے خواتین کے عالمی دن پرغزہ میں خواتین کو ترجیحی بنیادوں پر تحفظ فراہم کرنے کا مطالبہ کیا ہے۔
عرب میڈیا کے مطابق سیکرٹری جنرل نے گزشتہ سال سعودی عرب میں منعقدہ عالمی کانفرنس میں اسلام میں خواتین کے حقوق کے حوالے سے’جدہ دستاویز‘ کی اہمیت پر زور دیتے ہوئے کہا کہ 8 مارچ خواتین کی کامیابیوں کے اعتراف کے علاوہ مساوات اور شمولیت پر مبنی مستقبل کے لیے کام کرنے کی یاد دہانی کا دن بھی ہے۔
انہوں نے سماجی انصاف پر مبنی سرمایہ کاری کے ذریعے مضبوط اور متوازن معیشتوں کے قیام پر زور دیا تاکہ تمام شعبہ ہائے زندگی میں خواتین کے حقوق کو یقینی بنایا جائے۔