ویب ڈیسک : نگران وزیراعلیٰ محسن نقوی نے سرمایہ کاروں کیلئےالفلاح بلڈنگ، مال روڈ لاہور میں ون ونڈو آپریشنز کاآغاز کردیا ۔
Proud to announce the launch of One Window Operations at Al-Falah Building, Mall Road Lahore. The Business Facilitation Centre brings together 20 government departments under one roof, streamlining processes for investors. Aiming to provide 106 NOCs within 15 days, with a swift… pic.twitter.com/6jmdjuUmei
— Mohsin Naqvi (@MohsinnaqviC42) December 4, 2023
نگران وزیراعلیٰ محسن نقوی کاکہنا ہے کہ ون ونڈو آپریشنز کے آغاز پر فخر محسوس کر رہا ہوں۔ بزنس فیسیلیٹیشن سینٹر 20 سرکاری محکموں کو ایک چھت کے نیچے اکٹھا کرتا ہے۔مقصد سرمایہ روں کو سہولیات کی فراہمی ہے۔
محسن نقوی کاکہنا تھاکہ بیرون ملک مقیم پاکستانیوں اور غیر ملکی سرمایہ کاروں کو 10سے15دن کےاندر این او سی فراہم کرنا ہے۔ اگلے ماہ ملتان، گوجرانوالہ، راولپنڈی، فیصل آباد اور سیالکوٹ میں 5 نئے مراکز قائم کئے جائیں گے۔
قبل ازیں نگران وزیراعلیٰ محسن نقوی کا رات گئے عبدالرحیم میموریل ہسپتال سوڈیوال اور کوٹ خواجہ سعید ہسپتال کادورہ،صفائی کی ناقص صورتحال پر مایوسی کااظہار کیا ۔
Inspected Abdul Raheem Memorial Hospital, Sodiwal, and Kot Khuwaja Saeed Hospital, Lahore. Disheartened to find both in poor condition with lack of cleanliness. Received complaints of buying medicines externally at Abdul Raheem Memorial. Changed MS at Abdul Raheem and issued a… pic.twitter.com/EkAMghRmGD
— Mohsin Naqvi (@MohsinnaqviC42) December 4, 2023
عبدالرحیم میموریل میں مریضوں نے نگران وزیراعلیٰ کو ادویات بیرونی طور پر خریدنے کی شکایات کیں۔
نگران وزیراعلیٰ محسن نقوی نے فوری ایکشن لیتے ہوئے عبدالرحیم کا ایم ایس تبدیل کر دیا اور کوٹ خواجہ سعید ہسپتال کے ایم ایس کو وارننگ جاری کر دی۔
محسن نقوی کا مزید کہنا تھاکہ عوام کو صحت کی سہولیات فراہم کرنا ترجیح ہے ۔ کسی قسم کی کوتاہی برداشت نہیں کی جائے گی۔
نگران وزیر اعلیٰ پنجاب محسن رضا نقوی نے صوبائی دارالحکومت لاہور کے لبرٹی اور میو ہسپتال میں پولیس خدمت مراکز کا دورہ کیا۔
محسن رضا نقوی کے دورہ کے موقع پر پولیس خدمت مراکز میں شہریوں کا رش تھا، نگران وزیر اعلیٰ پنجاب نے شہریوں سے لائسنس بنوانے کے حوالے سے سوالات کیے جبکہ شہریوں نے محسن رضا نقوی کو ٹیسٹ کے عمل میں تاخیر کے حوالے سے شکایات کیں۔
نگران وزیر اعلیٰ نے خدمت مرکز کے انچارج سے استفسار کیا کہ ٹیسٹ میں 3 سے 4 گھنٹے کیوں لگ رہے ہیں؟ محسن رضا نقوی نے کہا کہ ٹیسٹ کم سے کم وقت میں مکمل ہونا چاہیے، ٹیسٹ سسٹم بہتر بنانے کیلئے پنجاب انفارمیشن ٹیکنالوجی بورڈ سے رابطہ کیا جائے۔
محسن رضا نقوی نے میو ہسپتال پولیس خدمت مرکز میں کاؤنٹرز پر عملہ بڑھانے کی ہدایت کی جبکہ لبرٹی پولیس خدمت مرکز میں شہریوں کے لائسنس بنانے کے عمل پر اطمینان کا اظہار کیا گیا۔