ایک نیوز: کراچی میں پیپلز بس میں مسافر خاتون سے بدتمیزی کنڈکٹر کو مہنگی پڑگئی، سوشل میڈیا پر ویڈیو وائرل ہونے کے بعد کنڈکٹر کو نوکری سے فارغ کر دیا گیا۔
تفصیلات کے مطابق عید سے ایک روز قبل پیپلز بس میں مسافر خاتون سے روٹ نمبر 10 پر بدتمیزی کا واقعہ پیش آیا تھا، اس کے بعد واقعہ کی ویڈیو سوشل میڈیا پر وائرل ہوئی تھی۔
ترجمان کے مطابق مسافر خاتون سے بدتمیزی کا واقعہ عید سے ایک روز قبل بدھ کے دن پیش آیا تھا، پیپلز بس کے روٹ نمبر 10 پر مسافر خاتون سے بدتمیزی کرنے والے کنڈکٹر کو نوکری سے برخاست کردیا گیا ہے۔
@ranaansar26 I am sure this video is self-explanatory. Whoever is responsible for the #PeoplesBusService should take immediate action to determine what actually happened. @MuradAliShahPPP @sharjeelinam @SaeedGhani1 @SyedNasirHShah @murtazawahab1 @alikhurshidi @RePorter1979 pic.twitter.com/h0vMWAoLTL
— Danish Naqvi (@lucifer1970) June 30, 2023
سوشل میڈیا پر وائرل ویڈیو میں بس کنڈکٹر کو مسافرخاتون سے کرایہ کی بقایا رقم واپس کرنے کے معاملے پر بدتمیزی کرتے دیکھا جاسکتا ہے۔
ویڈیو میں بس کنڈکٹر کو خاتون مسافر پر چیختے ہوئے بھی دیکھا جاسکتا ہے،اس موقع پر مسافر خاتون، کنڈکٹر کو بار بار پیچھے ہٹنے کا کہہ رہی تھیں۔
ترجمان پیپلز بس سے بات کی تو ان کا بتانا تھا کہ مسافر خاتون سے روٹ نمبر 10 پر بدتمیزی کی گئی اور بدتمیزی کرنے والے کنڈکٹر کو نوکری سے برخاست کردیا گیا ہے۔