پاکستان سمیت دنیا بھر میں واٹس ایپ سروس بحال

پاکستان سمیت دنیا بھر میں واٹس ایپ سروس بحال

ایک نیوز: پاکستان سمیت دنیا کے مختلف ممالک میں سماجی رابطے کی ویب سائٹ واٹس ایپ کی سروس کچھ دیر متاثر رہنے کے بعد بحال  ہوگئی۔

تفصیلات کے  مطابق واٹس ایپ کی سروس بدھ اور جمعرات کی درمیانی شب تقریبا 2 گھنٹہ معطل رہی، اس دوران صارفین کو پیغام رسانی میں مشکلات کا سامنا رہا۔ واٹس ایپ صارفین  نے مذکورہ سوشل میڈیا ایپلیکیشن کی سروس متاثر ہونے کے بارے میں ٹوئٹر  پر اپنے تجربات سے آگاہ کیا۔ٹوئٹر پر واٹس ایپ ڈاؤن ٹاپ ٹرینڈ بھی بن گیا۔ واٹس ایپ کی سرگرمیوں پر نظر رکھنے والی ویب سائٹ ویب بیٹا انفو نے بھی بتایا کہ دنیا بھر میں واٹس ایپ کی سروس شدید متاثر ہے۔تاہم کچھ دیر سروس متاثر رہنے کے بعد سماجی رابطے کی ویب سائٹ واٹس ایپ کی سروس بحال ہوگئی۔

واٹس ایپ کمپنی کی جانب سے سروس متاثر ہونے کی کوئی وجہ نہیں بتائی گئی۔اس وقت 2 ارب 70 کروڑ صارفین وٹس ایپ استعمال کرتے ہیں ۔ واٹس ایپ میسنجر کی بنیاد 2009 میں رکھی گئی تھی اور بعد میں اسے فیس بک کو فروخت کر دیا گیا۔ واٹس ایپ کی سروس متاثر ہونے پر ٹوئٹر پر صارفین کی جانب سے  کافی تعداد میں میمز بھی شیئر کی گئیں۔پاکستان، بھارت، ترکی، برطانیہ، اسپین سمیت دیگر ممالک میں واٹس ایپ سروس متاثر ہوئی۔

شیئر کریں:

Hasan Moavia