وقار یونس اور محمد حفیظ کا ثانیہ مرزا کو خراج تحسین

وقار یونس اور محمد حفیظ کا ثانیہ مرزا کو خراج تحسین

ایک نیوز: پاکستان کرکٹ ٹیم کے سابق کوچ وقار یونس اور سابق کپتان محمد حفیظ نے ثانیہ مرزا کو شاندار کیرئیر پر خراج تحسین پیش کیا ہے۔

رپورٹ کے مطابق سماجی رابطے کی ویب سائٹ ٹوئٹر پر وقار یونس نے ثانیہ مرزا کی تصویر شیئر کی اور لکھا کہ ثانیہ مرزا کے بارے میں جب سوچتے ہیں تو کیا الفاظ ذہن میں آتے ہیں۔ جذبہ، ثابت قدمی اور سخت محنتی کے الفاظ میرے ذہن میں آتے ہیں۔ شاندار  کیرئیر پر ثانیہ مرزا کو مبارکباد پیش کرتا ہوں۔ اسکے ساتھ ہی وقار یونس نے ثانیہ کے مستقبل کے لیے نیک خواہشات کا بھی اظہار کیا۔

سابق کپتان محمد حفیظ نے بھی ثانیہ مرزا کے لیے ٹوئٹ کیا اور کامیاب کیرئیر پر مبارکباد پیش کی اسکے ساتھ ہی انہوں نے ثانیہ مرزا کے لیے نیک خواہشات کا بھی اظہار کیا۔

اس سے قبل شعیب ملک نے بھی اپنی اہلیہ ثانیہ مرزا کو سوشل میڈیا پوسٹس کے ذریعے خراج تحسین پیش کیا تھا۔

واضح رہے کہ ثانیہ مرزا نے اپنے آخری گرینڈ سلم آسٹریلین اوپن میں شرکت کی تھی جس میں ثانیہ اور ان کے ساتھی روہن بوپنا کو مکسڈ ڈبلز کے فائنل میں شکست کا سامنا کرنا پڑا تھا۔میچ کے اختتام پر گفتگو کے دوران ثانیہ مرزا کی آنکھوں میں آنسو آگئے تھے اور انہیں روتے ہوئے بھی دیکھا گیاتھا۔ ثانیہ مرزا نے رک کر آنکھوں سے آنسو صاف کیے اور کہا کہ میرا پروفیشنل کیرئیر میلبرن سے شروع ہوا تھا اور کیرئیر ختم کرنے کے لیے اس سے اچھے ارینا کا سوچ بھی نہیں سکتی۔

شیئر کریں:

Hasan Moavia