ایک نیوز نیوز:ملتان میں ہونے والے ضمنی الیکشن کے دوران پیپلز پارٹی کے امیدوار اور سابق وزیراعظم یوسف رضا گیلانی کے بیٹے علی موسیٰ گیلانی کا ٹریفک وارڈن سے جھگڑا ہو گیا.
تفصیلات کے مطابق علی موسیٰ گیلانی کا ٹریفک وارڈن سے جھگڑے کا واقعہ ملتان کے علاقے ٹاٹے پور میں پیش آیا جس کی ویڈیو سوشل میڈیا پر بھی وائرل ہو رہی ہے۔
سوشل میڈیا پر وائرل ویڈیو میں دیکھا جا سکتا ہے کہ علی موسیٰ گیلانی کی جانب سے ٹریفک وارڈن پر ووٹ ڈلوانے کا الزام عائد کیا جا رہا ہے اور اس دوران ان کی ٹریفک وارڈن سے تلخ کلامی بھی ہوئی۔
علی موسیٰ گیلانی کی ٹریفک وارڈن سے تلخ کلامی کی ویڈیو پاکستان تحریک انصاف کے سوشل میڈیا پیج پر بھی شیئر کی گئی ہے جس میں پیپلز پارٹی کے امیدوار پر خواتین کے پولنگ اسٹینش پر غنڈہ گردی کا الزام عائد کیا گیا ہے۔
علی موسیٰ گیلانی کی خواتین پولنگ اسٹیشنز پر غنڈہ گردی #بلے_پہ_ٹھپہ
— Dr. Iftikhar Durrani (@IftikharDurani) October 16, 2022
pic.twitter.com/0nZ0pv7STV
یاد رہے آج ملتان میں ہونے والے ضمنی الیکشن میں علی موسیٰ گیلانی کا مقابلہ شاہ محمود قریشی کی بیٹی مہر بانو قریشی ہے اور دونوں امیدواروں کے درمیان سخت مقابلے کی توقع کی جا رہی ہے۔