ایک نیوز:عوامی مسلم لیگ کے سربراہ اور سابق وفاقی وزیر داخلہ شیخ رشید احمد کاکہنا ہے کہ صدر عارف علوی نے الیکشن کی تاریخ کیلیے میرے یوم پیدائش کا انتخاب کیا ہے۔
صدر عارف علوی نے الیکشن کی تاریخ کی تجویز دینے کے لیے میرے ہی یوم پیدائش 6 نومبر کے دن کا انتخاب کیا ہے میں پہلے ہی کہہ چکا تھا کے 11 ستمبر سے 20 ستمبر تک سیاست میں بڑی ہلچل ہوگی اور اُکھاڑ پچھاڑ ہو گی کل ppp کی ورکنگ کیمٹی بھی رنگ دیکھائے گی اور لیول پلیئنگ فیلڈ کا مطالبہ کرسکتی…
— Sheikh Rashid Ahmed (@ShkhRasheed) September 13, 2023
سابق وزیرداخلہ شیخ رشید کا بیان میں کہنا تھاکہ میں پہلے ہی کہہ چکا تھا کے 11 ستمبر سے 20 ستمبر تک سیاست میں بڑی ہلچل اور اُکھاڑ پچھاڑ ہوگی۔کل پیپلزپارٹی کی سینٹرل آرگنائزنگ کمیٹی بھی رنگ دکھائے گی اور لیول پلیئنگ فیلڈ کا مطالبہ کرسکتی ہے۔
شیخ رشید کا کہنا تھاکہ پاکستان کی سیاست میں جو کچھ بھی ہونا ہے اسی سال ہو جانا ہے اور 30 دسمبر تک حقیقی فیصلے آجائیں گے جبکہ 15 دسمبر تک یہ فیصلہ بھی ہو جائے گا کہ سیاست کا اونٹ کس کروٹ بیٹھے گا۔
واضح رہے کہ صدر مملکت ڈاکٹر عارف علوی نے الیکشن کمیشن کو بھیجے گئے خط میں عام انتخابات کیلیے 6 نومبر کی تاریخ تجویز کی ہے۔