ایک نیوز: پاک بھارت میچ میں سیکیورٹی خدشات کے پیش نظر خصوصی ٹیمیں تشکیل دی گئی ہیں۔ جو کیمیکل بائیولوجیل اور نیوکلیئر خطرات کو ڈٹیکٹ کرنے کی صلاحیت رکھتی ہیں۔
تفصیلات کے مطابق بھارتی ریاست گجرات کے شہر احمد آباد کی پولیس نے کہا ہے کہ اُن کی جانب سے ورلڈ کپ میں پاکستان اور انڈیا کے درمیان میچ کے لیے سکیورٹی کے تمام انتظامات مکمل کر لیے گئے ہیں۔
پاکستان اور انڈیا کے درمیان میچ احمد آباد کے نریندر مودی سٹیڈیم میں 14 اکتوبر کو کھیلا جائے گا۔
VIDEO | "Ahmedabad Police is fully prepared in the view of India-Pakistan cricket match to be held on October 14. We have over 7,000 police personnel and 4,000 home guards that will be there in the city. Along with that, bomb disposal squads and anti-drone teams will also be… pic.twitter.com/lVcw7uotoN
— Press Trust of India (@PTI_News) October 9, 2023
ایک پریس کانفرنس کے دوران احمد آباد کے پولیس کمشنر گنانیندر سنگھ کا کہنا تھا کہ روایتی حریفوں کے میچ کے دوران سکیورٹی اور ٹریفک کے مسائل سے نمٹنے کے لیے شہر بھر میں 14 ہزار سے زائد سکیورٹی اہلکار تعینات کیے جائیں گے۔
احمد آباد کے سنیئر پولیس افسر کا مزید کہنا تھا کہ ’اس کے علاوہ کچھ تھریٹس بھی (ای میل کے ذریعے) آ رہی ہیں، اس کو بھی ہم مانیٹر کر رہے ہیں۔
گیانیندر سنگھ نے سکیورٹی کے انتظامات پر روشنی ڈالتے ہوئے کہا کہ ’ہم نے این ڈی آر ایف (نیشنل ڈیزاسٹر رسپانس فورس) اور ایس ڈی آر ایف (سٹیٹ ڈیزاسٹر ریسپانس فورس) کی ٹیموں کی تعیناتی کے لیے بھی درخواست کی ہے وہ کیمیل بائیولوجیکل، ریڈیو لوجیکل اور نیوکلیئر خطرات کو بھی ڈٹیکٹ کرسکتی ہیں۔‘
احمد آباد پولیس کے کمشنر کے مطابق انہیں میچ کی سکیورٹی یقینی بنانے کے لیے ’بم ڈسپوذل سکواڈ اور اینٹی ڈرون ٹیم بھی ہمیں ملیں گی۔‘