ایک نیوز:مون سون بارشوں سےڈوبتے بھارت نے ستلج میں دوبارہ پانی چھوڑ دیا۔ستلج میں پانی کی دوسری اننگز نے تباہی مچانا شروع کر د, تلمبہ میں دریائے راوی کی سیلابی صورت حال دن بہ دن خطرناک ہوتی جارہی ہے,پانی دریا کے کناروں سے باہر نکل کر فصلوں میں داخل ہونے لگا,متعدد دیہات زیرآب آگئے،لوگ نقل مکانی کرنے پرمجبور ہوگئے۔
تفصیلات کے مطابق احمد پور شرقیہ کے مقام پر دریائے ستلج میں پانی کی سطح میں 6 فٹ تک اضافہ ہوگیا ہے۔پتن ایمن والہ کے قریب وسیع پیمانے پر فصلیں بھی زیر آب آگئی ہیں،پانی کپاس،مونگی کی فصلوں سمیت چارہ میں داخل ہوگیا،ہیڈ پنجند پر پانی کی سطح میں اضافہ ریکارڈ کیا گیا ہے،دریائے ستلج ،دریائے چناب کا پانی ہیڈ پنجند سے گزرہا ہے۔
ایری گیشن ذرائع کا کہنا ہے کہ ہیڈ پنجند پر پانی کی آمد 40 ہزار 2 سو 85 کیوسک ہے،جبکہ ہیڈ پنجند سے پانی کا اخراج 30 ہزار 5 سو 85 کیوسک ہے۔
رینالہ خورد/دریائے راوی کی سیلابی صورتحال
رینالہ خورد دریائے راوی میں کنڈ بوہڑ کے مقام پر پانی کی سطح میں مسلسل اضافہ ہو رہا ہے۔دریائی پانی قریبی فصلوں میں داخل ہوچکا ہے ،جس سے زمینداروں کی کاشت کی گئی تل،دھان ،مکئی اور گنا وغیرہ کی فصلیں مکمل طور پر تباہ ہوگئی ہیں،اگر پانی کی سطح میں یونہی اضافہ ہوتا رہا تو مزید نقصان کا اندیشہ ہے۔
دریاۓ راوی میں سیلابی پانی سے شرقپور کا علاقہ متاثر ،لوگ سیلابی پانی میں پھنس گئے۔ڈی پی او زاہد نواز کاکہنا ہے کہ پولیس کے افسران و جوان عوام کی خدمت میں مصروف ہیں۔متاثرہ لوگوں کو محفوظ مقامات پر منتقل کیا جا رہا ہے۔ لوگوں کی جان و مال کی حفاظت کے لیے ہر ممکن مدد کی جارہی ہے۔
قصور/دریائےستلج میں تباہی،متعدددیہات زیرآب
قصور میں مون سون بارشوں سےڈوبتے بھارت نے ستلج میں دوبارہ پانی چھوڑ دیا۔ستلج میں پانی کی دوسری اننگز نے تباہی مچانا شروع کر دی،سیلابی پانی نگر، دھوپ سڑی، بھکی ونڈ ، چندا سنگھ ، کالو واڑا اور حاکم والا کے دیہات میں داخل ہوگیا،ستلج کا پانی بھکی ونڈ کے گورنمنٹ اسکول میں داخل ہوگیا،ہیڈ گنڈا سنگھ والا کے مقام پر پانی کی سطح بڑھ کر20 فٹ کراس کر گئی،65 ہزار کیوسک سے زائد پانی کے بہاؤ نے فصلوں میں بھی تباہی مچا دی،سیلاب سے متاثرہ افراد اپنی پرائیویٹ کشتیوں پر سازوں سامان منتقل کرنے پر مجبور ہوگئے۔
کمشنر ساہیوال شعیب اقبال سید کے وزیر اعلیٰ پنجاب کے احکامات کی روشنی میں ستلج اور راوی کی صورتحال پر سخت احکامات جاری کردیئے۔
کمشنر ساہیوال ڈویژن شعیب اقبال سید کاکہنا ہے کہ دریائے ستلج اور راوی میں پانی کی سطح دوبارہ بلند ہونے لگی ہے۔دریائے راوی میں بلوکی پر نچلے درجے کا سیلاب ہے۔ بلوکی پر پانی کا اخراج 46125 کیوسک ہو گیا۔دریائے ستلج میں سلیمانکی کے مقام پر پانی کا اخراج 46186 کیوسک ہے۔
https://www.pnntv.pk/uploads/digital_news/2023-07-23/news-1690098533-5855.mp4
بہاولنگر/دریائےستلج میں پانی کی سطح میں پھراضافہ،زمینی کٹاؤ جاری
بہاولنگر کے مقام پر دریائے ستلج میں ہیڈ گنڈا سنگھ اور ہیڈ سلیمانکی کے مقام پانی کی سطح میں پھر اضافہ ہوگیا ہے۔ہیڈ گنڈا سنگھ پر پانی کی آمد 63300 کیوسک ہوگئی۔سلیمانکی کے مقام پر پانی کی آمد 57196 اور اخراج 46186 کیوسک ہوگیا ہے۔دریائے ستلج میں ہیڈ سلیمانکی ضلع بہاولنگر کی حدود میں نچلے درجے کا سیلاب ہےجبکہ سیلابی ریلے سے دریائی پٹی سے ملحقہ علاقے شدید متاثر ہوئے ہیں اور پانی کے تیز بہاؤ کی وجہ سے متعدد حفاظتی بند ٹوٹ گئے ہیں جس کی وجہ سےسیلابی پانی سے ہزاروں ایکڑ قیمتی فصلیں تباہ ہوگئیں ہیں۔پانی کے تیز بہاو ٔکے باعث زمینی کٹاؤ کا سلسلہ جاری ہے۔
سیلابی ریلے کی وجہ سے درجنوں رہائشی ڈیرے ، آبادیاں شدید متاثر ہوئی ہیں،متاثرہ علاقوں کےہزاروں لوگوں کی نقل مکانی بھی جاری ہے،سیلابی پانی کی وجہ سے لوگ شدید مشکلات سے دوچار ہیں،سیلابی پانی سے موضع عاکوکا ، ماڑی میاں صاحب، سنتیکا ، بہادرکا ، چاویکا اور دیگر مواضعات میں دریائی کٹاؤ جاری ہے،علاقہ مکین اپنی مدد آپ کے تحت امدادی کارروائیاں کررہے ہیں اور متاثرین حکومت کی جانب سے ریلیف پیکج کے منتظر ہیں۔
https://www.pnntv.pk/uploads/digital_news/2023-07-23/news-1690098876-7293.mp4
جلالپور بھٹیاں/ دریائے چناب میں پانی کی سطح میں اضافہ
جلالپور بھٹیاں میں ہیڈ قادرآباد کے مقام پر دریائے چناب میں پانی کی سطح میں اضافہ ہو رہا ہے، دریائے چناب میں ہیڈ قادرآباد کے مقام پر پانی کا بہاؤ 106306 کیوسک ہے، جب کہ پانی کا اخراج 96306 کیوسک ہے۔
میانوالی/دریائےسندھ کی صورتحال
میانوالی میں دریائے سندھ میں پانی کی سطح کم ہونا شروع ہو گئی،میانوالی جناح بیراج کالاباغ کے مقام پر پانی کی آمد 3 لاکھ 12 ہزار جبکہ اخراج 3 لاکھ 2 ہزار کیوسک ریکارڈ کیا گیاہے۔چشمہ بیراج میں پانی کی آمد 3 لاکھ 47 ہزار جبکہ اخراج 3 لاکھ 46 کیوسک ریکارڈ کیا جا رہا ہے۔جناح اور چشمہ بیراج پر درمیانے درجے کا سیلاب ہے۔
چترال میں تباہی،سڑکیں بہہ گئیں
چترال میں ہر سو سیلاب نے تباہی مچادی، کوغذی ، ایون ، رمبور ، دنین،اوچشٹ سمیت کئی مقامات میں سیلاب سےدرجنوں مکانات، دکانیں تباہ وبرباد ہوگئیں۔سیلاب کے باعث سڑکیں بند، زرعی اراضی اور نہریں برباد ہو گئیں۔ علاقے میں سیلاب کے باعث مزید تباہی کے خدشات لاحق ہیں۔
پی ڈی ایم اے نے بتایا ہے کہ لوئر چترال میں سیلاب سے 39 اور اپر چترال میں 19 گھروں کو جزوی نقصان پہنچا۔ترجمان محکمۂ ریلیف کا کہنا ہے کہ اپر چترال کے متاثرہ خاندانوں کو امدادی سامان فراہم کر دیا گیا ہے جبکہ لوئر چترال کے حساس علاقوں کی آبادی کو محفوظ مقامات پر منتقل کیا گیا ہے۔ضلعی انتظامیہ کی جانب سے لوئر دیر روڈ کو ٹریفک کے لیے کلیئر کر دیا گیا ہے۔
سبی میں سیلاب /رابطہ پل بہہ گیا
سبی میں بولان کے علاقے مچھ کولپور میں بارش سے قومی شاہراہ پنجرہ پل کے مقام پر سیلابی ریلا گزارنے کی وجہ سے بند کردیا گیا ہے،قومی شاہراہ n65بند،پنجرہ پل کے قریب عارضی راستہ ایک بار پھر بہہ گیا،این 65 قومی شاہراہ پر ٹریفک کی روانی معطل ہوگئی،کوئٹہ کا سکھر سے رابطہ منقطع ہوگیا،بولان میں دونوں طرف گاڑیوں کی لمبی قطاریں لگ گئیں۔بولان میں مسافر وں کی گاڑیاں پھنس گئیں،پنجرہ پل کے قریب ندی نالوں میں شدید طغیانی آگئی۔
انتظامیہ کا کہنا ہے کہ مسافر بولان میں سفر کرنے سے گریز کریں،سیلابی پانی کم ہوتے ہی قومی شاہراہ کو بحال کرنے کی کوشش کی جائے گی۔
https://www.pnntv.pk/uploads/digital_news/2023-07-23/news-1690100439-8650.mp4
واشک/مون سون بارشوں نے بسیمہ میں تباہی مچا دی
بسیمہ کے نواحی علاقے پتک میں دوکانیں،گھر وں کی دیواریں موسلادھار بارشوں اور سیلابی ریلوں کی زد میں آ گئیں،ندی نالوں میں طغیانی کے باعث سیلابی ریلہ گھروں اور بازار میں داخل ہوگیا،بسیمہ کے نواحی علاقے پتک میں سیلابی ریلے سے متعدد مکانات اور دوکانیں زمین بوس ہوگئے۔
بسیمہ شہر میں کئی کچی دیواریں بھی طوفانی بارشوں سے گر گئی،پتک اور شیرینزہ میں سیلابی ریلے نے سینکڑوں ایکٹر پر تیار پیاز کی فصلیوں کو تباہ کردیا
ذرائع کا کہنا ہے کہ لیویز فورس بسیمہ موقع پر پہنچ کر امدادی کاموں میں مصروف ہے،قریبی پل کو مقامی زمیندار نے بند کیا تھا جس سے سیلابی ریلہ مقامی آبادی میں داخل ہوا۔طوفانی بارشوں اور سیلابی ریلوں کے باعث انگور کے باغات بھی بری طرح متاثر ہوئے ۔
https://www.pnntv.pk/uploads/digital_news/2023-07-23/news-1690100028-2787.mp4
دادو/سیلابی ریلےنےتباہی مچادی
دادو میں کھیر تھر کے پہاڑی سلسلے اور کاچھو میں بارش کے بعد ندی نالوں میں طغیانی آگئی،گاج ندی میں 12 فٹ سے زائد طغیانی ریکارڈ کی گئی ہے،گاج ندی کے سیلابی ریلے نے تباہی مچادی ہے،واہی پاندھی - جوھی روڈ کو ماچھی ڈھورو کے مقام پر زیر آب آگئیں جبکہ حاجی خان، چھنی، ڈرگھ بالا روڈ بھی مختلف مقامات سے زیر آب آگئے ہیں،سو سے زائد چھوٹے بڑے شہروں اور دیہاتوں کا دادو سے رابطہ منقطع ہوگیا۔زمینی رابطے منقطع ہونے کی وجہ سے علاقہ مکینوں کو دشواری کا سامنہ کرنا پڑرہا ہے۔
https://www.pnntv.pk/uploads/digital_news/2023-07-23/news-1690100257-1293.mp4
پنجاب کے دریاؤں کی تازہ صورتحال/پی ڈی ایم اے
آئندہ 48 گھنٹے میں دریائے راوی چناب اور جہلم میں پانی کی سطح مسلسل بلند ہورہی ہے،سیلاب کا خطرہ ہے. ڈی جی پی ڈی ایم اے عمران قریشی نےمتعلقہ انتظامیہ کو الرٹ رہنے کی ہدایات جاری کردی۔
پنجاب کے دریاؤں کی تازہ صورتحال دریائے چناب راوی اور جہلم میں پانی کی سطح مسلسل بلند ہو رہی ہے ۔
— PDMA Punjab Official (@PdmapunjabO) July 23, 2023
ڈی جی پی ڈی ایم عمران قریشی کی متعلقہ انتظامیہ کو الرٹ رہنے کی ہدایات pic.twitter.com/7FTZVIYA8S
این ڈی ایم اے رپورٹ
ملک بھر میں دریاؤں کے بہاؤ کی مجموعی صورتحال معمول کے مطابق ہے. جبکہ دریائے سندھ کے بالائی کیچمنٹ علاقوں میں گزشتہ دنوں کی بارشوں کیوجہ میں بہاؤ قدرے زیادہ ریکارڈ کیا گیا ہے۔
????فلڈ فورکاسٹنگ ڈویژن اپڈیٹ:
— NDMA PAKISTAN (@ndmapk) July 23, 2023
ملک بھر میں دریاؤں کے بہاؤ کی مجموعی صورتحال معمول کے مطابق ہے. جبکہ دریائے سندھ کے بالائی کیچمنٹ علاقوں میں گزشتہ دنوں کی بارشوں کیوجہ میں بہاؤ قدرے زیادہ ریکارڈ کیا گیا ہے۔#ndmapk #Monsoon2023 pic.twitter.com/RZFdZYVK2W
حب ڈیم میں پانی کی سطح بلند
سندھ اور بلوچستان کے پہاڑی سلسلے میں گزشتہ 24 گھنٹوں کے دوران شدید بارشوں سے حب میں پانی کی سطح بلند ہونا شروع ہو گئی ہے۔واپڈا حکام کے مطابق ہفتے کی شام حب ڈیم میں پانی کا لیول 329 اعشاریہ 5 تھا۔ہفتے کی شام تک سندھ کے ضلع دادو، میہڑ سمیت سندھ اور بلوچستان میں واقع کیرتھر کے پہاڑی سلسلے میں غیر معمولی بارش ہوئی جس سے گزشتہ رات کو ہی پانی کے ریلے جب ڈیم پہنچنا شروع ہو گئے تھے۔
واپڈا ذرائع کے مطابق اتوار کی دوپہر 12 بجے حب ڈیم میں سطح آب 8 انچ اوپر ہو چکی تھی، کئی سو کلو میٹر کے کیچمنٹ ایریا سے حب ڈیم میں پانی کی آمد کا سلسلہ جاری ہے۔
میکلوڈگنج:کرنٹ لگنےسےنوجوان ہلاک
میکلوڈگنج میں محنت کش نوجوان کرنٹ لگنے سے جاں بحق ہوگیا،نوید کلیا 4بچوں کاباپ اور گھر کا واحد کفیل تھا۔میکلوڈگنج متوفی کوگھر میں کرنٹ لگا بیوی نے بچانے کی کوشش کی جس میں بیوی بھی زخمی ہوگئی۔
خیبر پختونخوا/مختلف حادثات میں4افرادہلاک
خیبر پختونخوا میں تیز بارشوں سے پیش آئے حادثات و واقعات میں 4 افراد جاں بحق اور 1 شخص زخمی ہو گیا۔