ویب ڈیسک: قومی کرکٹ ٹیم کے ہیڈ کوچ اظہر محمود نے کہا ہے کہ نیوزی لینڈ کے خلاف سیریز میں بابر اعظم کو آرام کا موقع دے سکتے ہیں۔
اسلام آباد میں میڈیا سے گفتگو کرتے ہوئے قومی ٹیم کے کوچ اظہر محمود نے کہا کہ نیوزی لینڈ کے خلاف سیریز بہت اہم ہے تاہم ہم اپنے سکواڈ سے بہت مطمئن ہیں۔
انہوں نے کہا کہ ٹیم میں دو آل راؤنڈر فاسٹ باؤلرز جبکہ بہترین بلے باز بھی موجود ہیں، عامر اور عماد کے کے آنے سے ٹیم مزید مضبوط ہوئی ہے۔اُن کا کہنا تھا کہ بہتر سائیڈ کے لیے نیوزی لینڈ کی سیریز کے دوران تجربات کریں گے، ہمارے پاس اوپنرز زیادہ ہیں تو اس میں تبدیلیاں کرسکتے ہیں جبکہ بابر اعظم کو بھی آرام کا موقع مل سکتا ہے۔
اظہر محمود نے کہا کہ نیوزی لینڈ کی جو ٹیم پاکستان آئی اس میں اچھے کھلاڑی موجود ہیں جن کا اپنا بہترین ریکارڈ ہے جبکہ ٹی 20 میں کوئی ٹیم کمزور نہیں ہوتی۔