پنجاب کےدریاؤں میں طغیانی کی صورتحال برقرار،دفعہ144نافذ

پنجاب کےدریاؤں میں طغیانی کی صورتحال برقرار،دفعہ144نافذ
کیپشن: پنجاب کےدریاؤں میں طغیانی کی صورتحال برقرار،دفعہ144نافذ

ایک نیوز:پی ڈی ایم اے کا کہنا ہے کہ پنجاب کے دریاؤں میں طغیانی کی صورتحال برقرار ہے۔سیلابی صورتحال کے پیش نظر دریاؤں کے اطراف دفعہ 144  نافذ ہے۔شہری دریاؤں ندی نالوں میں نہانے اور سیر و تفریح سے گریز کریں ۔

پی ڈی ایم اے کے مطابق دریائے ستلج سلیمانکی اور اسلام کے مقام پر نچلے درجے کا سیلاب ہے۔سلیمانکی کے مقام سے 64242 کیوسک پانی کا ریلا گزر رہا ہے ۔اسلام کے مقام پر پانی کی آمد 66643 اور اخراج 65743 ہے۔

ترجمان پی ڈی ایم اے  کے مطابق دریائے سندھ میں پانی کی سطح میں اضافہ ہو رہا ہے،دریائے جہلم چناب اور راوی میں پانی کا بہاؤ نارمل ہے۔دریائے راوی میں شاہدرہ کے مقام سے 29317 کیوسک پانی گزر رہا ہے۔تمام دریاؤں، براجز ،ڈیمز اور نالہ جات میں پانی کے بہاؤ کی مسلسل نگرانی کی جا رہی ہے۔پی ڈی ایم اے کنٹرول روم سے تمام تر صورتحال کی مانیٹرنگ جاری ہے۔ سیلابی صورتحال کے پیش نظر دریاؤں کے اطراف دفعہ 144  نافذ ہے۔شہری دریاؤں ندی نالوں میں نہانے اور سیر و تفریح سے گریز کریں ۔

این ڈی ایم اے کی رپورٹ

ملک بھر میں دریاؤں کے بہاؤ کی مجموعی صورتحال مستحکم ہے اور اگلے 24 گھنٹوں کے دوران دریاؤں کا بہاؤ مستحکم رہنے کا امکان ہے۔

دریائے ستلج میں کشتی ڈوب گئی

دریائے ستلج میں کشتی ڈوبنے کے واقعے میں جاں بحق افراد کی تعداد 7 ہوگئی۔حکام کے مطابق تیسرے روز سرچ آپریشن میں مزید 3 لاشیں نکالی گئیں جس کے بعد حادثے میں جاں بحق افراد کی تعداد 7 ہوگئی ہے.

شیئر کریں:

JAWAD MALIK