سماجی رابطے کی ویب سائٹ ٹوئٹر پرویڈیو پیغام جاری کرتے ہوئے گورنر پنجاب چودھری سرور نے کہا کہ عمران خان کی قیادت میں ایک مضبوط پاکستان کی جدوجہد جاری رہے گی،ہمارا عزم درپیش چیلنجز سے زیادہ بلند ہے، نیا سال قوم کیلئے امید کی کرن ثابت ہو گا،انشاء اللہ نیا سال پاکستان کی ترقی اور امن واستحکام کا سال ثابت ہوگا ، 2022 کا پاکستان ماضی کی نسبت زیادہ خوشحال، مضبوط اور ترقی یافتہ ہوگا۔
تمام پاکستانیوں کو نیا سال مبارک۔آئیے عہد کریں کہ پاکستان کی ترقی و خوشحالی کیلئےملکر جدوجہد کریں گے۔ہم اپنےمظلوم کشمیری و فلسطینی بہن بھائیوں سےاظہارِ یکجہتی کرتےہیں اور پُرامید ہیں کہ ان کو حقِ خودارادیت حاصل ہوگا۔دعاہےکہ اس سال ہمیں کورونا سےبھی نجات حاصل ہو۔#HappyNewYear pic.twitter.com/uHYu2XYzdy
— Mohammad Sarwar (@ChMSarwar) December 31, 2021
انہوں نے مزید لکھا کہ پاکستان کو پرامن اور حقیقی فلاحی ریاست بنانے کے لئے کوئی کسر اٹھا نہیں رکھیں گے،کشمیر ی اور فلسطینی عوام کی آزادی کیلئے انکے ساتھ ہیں اورکسی قر بانی سے دریغ نہیں کرینگے ،پوری قوم پاکستان کو کورونا سے پاک کر نے کیلئے بھی ذمہ داری پوری کر ے ۔