حافظ سعد رضوی کا سرداری نظام کیخلاف بغاوت کا اعلان

حافظ سعد رضوی کا سرداری نظام کیخلاف بغاوت کا اعلان
کیپشن: Hafiz Saad Rizvi's declaration of rebellion against the Sardari system(file photo)

ایک نیوز نیوز: امیر تحریک لبیک پاکستان حافظ سعد رضوی ان دنوں سندھ کے سیلاب متاثرہ علاقوں کے دورے پر ہیں۔ انہوں نے جیکب آباد میں لگائی گئی عارضی خیمہ بستی کا دورہ کیا۔ اس موقع پر انہوں نے میڈیا سے بات کی۔

انہوں نے کہا کہ ہم یہ نہیں کہتے کہ وزیراعلیٰ پانی میں کھڑا ہو۔ اس کی ضرورت نہیں ہے۔ لیکن ایک انتظامیہ ہے وہ کہاں ہے؟ سرکاری مشینری کہاں ہے؟ کمشنرز سے لیکر اتنے بڑے نظام میں پاکستان میں 22 محکمے ہیں۔ انہوں نے کہا کہ جب کوئی ڈیزاسٹر آتا ہے تو تمام محکموں کو متحرک کیا جاتا ہے۔ لیکن افسوس یہاں 22 محکموں میں سے کسی کے لوگ نظر نہیں آرہے۔ محکمہ صحت، زراعت سے لیکر ہر محکمے میں سے کوئی نہیں ہے۔

انہوں نے حکومت پر تنقید کرتے ہوئے کہا کہ سیلاب متاثرین کی مدد کیلئے کوئی ایک محکمہ بھی ہمیں نظر نہیں آیا۔ 

انہوں نے ایک سوال کے جواب میں کہا کہ اہل اور قوم کے دردمند افراد کو آگے لانا چاہتے ہیں۔ افسوس یہ ہے کہ یہاں ہر بڑا فراڈیا، بدمعاش اور لٹیرا قوم کا سردار بنا ہوا ہے۔ 

شیئر کریں: