پٹرول مہنگا’’غریب کیسے زندہ رہے گا؟ سوشل میڈیا پرتبصرے

پٹرول مہنگا’’غریب کیسے زندہ رہے گا؟ سوشل میڈیا پرتبصرے
کیپشن: Gasoline is expensive, how will the poor survive? Social media comments

ایک نیوز :حکومت کی جانب سے پٹرول کی قیمتیں بڑھانے پر’’غریب کیسے زندہ رہے گا؟سوشل میڈیا پراہم شخصیات کا تبصرہ

حکومت نے پیٹرولیم مصنوعات کی قیمتوں میں 35 روپے فی لیٹر تک اضافہ کردیا ہے جس پر سوشل میڈیا پر عوام اور اہم شخصیات کی جانب سے شدید ردعمل سامنے آیا۔

حکومت عام طور پر پیٹرولیم مصنوعات کی قیمتوں میں ردوبدل ہر ماہ کی یکم اور 16 تاریخ سے کرتی ہے لیکن وفاقی وزیر خزانہ اسحاق ڈار نے 29 جنوری کو یکدم پیٹرول اور ڈیزل 30 روپے جب کہ مٹی کا تیل 18 روپے فی لیٹر مہنگا کردیا۔

سابق ایف بی آر چیئرمین سید شبر زیدی کا ٹویٹ میں کہنا تھا کہ پیٹرولیم مصنوعات کی قیمتوں میں 35 روپے کا اضافہ، مہنگائی بڑھے گی۔ غریب کیسے زندہ رہے گا؟ غریب اور متوسط طبقے کی زندگی کے سادہ سے سوال پر یہ قوم اتنی بے حس کیوں ہے؟ جب یہ کرنا ہی تھا تو اتنی دیر کیوں؟‘’

عباسی نامی ٹوئٹر ہینڈل سے لکھا گیا کہ ’’خوشخبری، اسحاق ڈار نے پیٹرولیم مصنوعات سے متعلق سوشل میڈیا پر چلنے والی افواہوں کی تردید کردی۔ اور ساتھ ہی پیٹرول اور ڈیزل کی قیمت میں 35 روپے کے اضافے کا اعلان کر دیا۔‘‘

 ردا نامی ٹوئٹر ہینڈل سے مریم نواز کی ایک پرانی ٹوئٹ شیئر کرکے لکھا گیا کہ پتہ کیجیے 35 روپے اضافے کے فیصلے میں نواز شریف کی مرضی شامل تھی یا وہ اس بار بھی اجلاس چھوڑ کر چلے گئے؟

 تھنکر نے لکھا کہ پیٹرول اور ڈیزل 35 ،35 روپے فی لیٹر مہنگا ہوا ہے، اس کا حل صرف اور صرف ایندھن کا بائیکاٹ ہے۔

شیئر کریں: