ایک نیوز: بالی ووڈ کی مشہور اداکارہ پریانکا چوپڑہ آسکر کے لیےنامزد پاکستان کی مشہور فلم 'جوائے لینڈ' کی مداح نکلیں۔
تفصیلات کے مطابق پریانکا چوپڑا نے اپنے تمام مداحوں اور فلم شائقین کو مشورہ دیا ہے کہ وہ صائم صادق کی فلم جوائے لینڈ ضرور دیکھیں۔
اداکارہ نے اپنی انسٹاگرام اسٹوری پر جوائے لینڈ کی ویڈیو شیئر کرتے ہوئے جوائے لینڈ کی ٹیم کو ایسی منفرد کہانی پیش کرنے پر خوب سراہا ساتھ ہی لکھا کہ یہ لازمی دیکھنے والی فلم ہے۔
اس فلم کی کہانی ایک رقاص نوجوان اور ایک خواجہ سرا کے گرد گھومتی ہے، یہ دنوں ایک دوسرے کی محبت میں گرفتار ہوجاتے ہیں جبکہ لڑکا پہلے ہی شادی شدہ ہوتا ہے۔
یاد رہے کہ جوائے لینڈ کو اکیڈمی نے اپنی انٹرنیشنل فیچر فلم کی کٹیگری میں آسکر ایوارڈ کے لیے نامزد کیا تھا تاہم یہ فلم ایوارڈ حاصل کرنے میں ناکام رہی جبکہ اس متنازعہ فلم کو پاکستان میں شدید تنقید کا سامنا کرنا پڑا۔
View this post on Instagram
خیال رہے کہ نومبر میں وزیراعظم پاکستان شہباز شریف نے اس فلم پر عائد پابندی پر غور کرنے کے لیے ایک کمیٹی بنائی تھی جس نے فلم کو کلیئر قرار دے کرریلیز کرنے کی اجازت دے دی تھی۔
صائم صادق کی لکھی ہوئی اور ان کی ہدایتکار میں بننے والی اس فلم میں خواجہ سرا علینہ خان اور علی جنیجو نے مرکزی کردار ادا کیا ہے۔