ایک نیوز: آرمی چیف جنرل سید عاصم منیر نے کہا ہے کہ مسلح افواج ملک کو درپیش خطرات سے نمٹنے کیلئے دفاعی نظام کو جدید بنا رہی ہے ۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے مشق ’البیزا تھری 2024‘ کے دوران مختلف ایئر ڈیفنس ویپن سسٹمز کی فائرنگ کا مشاہدہ کیا۔
آرمی چیف نے آرمی ایئر ڈیفنس سسٹم کے مربوط فائر اور جنگی مشقیں دیکھیں، جن میں ہائی ٹو میڈیم ایئر ڈیفنس ویپن سسٹم، لو ٹو میڈیم ایئر ڈیفنس سسٹم شارٹ رینج ایئر ڈیفنس سسٹم (SHORADs) اور توسیعی مختصر رینج ایئر ڈیفنس سسٹم شامل ہیں۔
#ISPR
— Pakistan Armed Forces News ???????? (@PakistanFauj) January 12, 2024
General Syed Asim Munir, NI (M), Chief of Army Staff, (#COAS), witnessed firing of different Air Defence weapon systems during Exercise Al-Bayza-III, 2024 at Sonmiani. @OfficialDGISPR #Pakistan
COAS viewed integrated fire and battle maneuvers of Army Air Defence systems… pic.twitter.com/p4ElskJRWI
مشق کے دوران پاکستان کی فضائی سرحدوں کے دفاع کو بڑھانے کے لیے ایک تاریخی کامیابی اور سنگ میل کے طور پر ہائی میڈ سسٹم پہلی بار فائر کرنے کے لیے دوسرے ہتھیاروں کے نظام کے ساتھ ہدف کو نشانہ بنانے میں کامیاب رہا۔
قبل ازیں آرمی چیف نے آرمی ائیر ڈیفنس سینٹر کا دورہ بھی کیا، آرمی چیف نے یادگار شہدا پر پھولوں کی چادر چڑھائی اور شہداء کو خراج عقیدت پیش کیا۔
آرمی چیف نے لیفٹیننٹ جنرل محمد ظفر اقبال کو آرمی ائیر ڈیفنس کور کا کرنل کمانڈنٹ مقرر کردیا ہے۔