ویب ڈیسک :عالمی مالیاتی فنڈ (آئی ایم ایف) ایگزیکٹو بورڈ نے پاکستان کے لیے 70 کروڑ ڈالر کی دوسری قسط کی منظوری دے دی۔
تفصیلات کےمطابق پاکستان کیلئے معیشت کے میدان میں بڑی خوشخبری ہے کہ آئی ایم ایف نے پاکستان کیلئے 70 کروڑ ڈالر کی دوسری قسط کی منظوری دیدی جس کے بعد ملکی زرمبادلہ ذخائر ذخائر 13 جنوری تک 14ارب ڈالر تک پہنچ سکتے ہیں۔
آئی ایم ایف کے ایگزیکٹو بورڈ کا اجلاس واشنگٹن میں ہوا جس میں پاکستان کو قرض کی اگلی قسط جاری کرنے کا فیصلہ ہوا۔وفاقی وزارت خزانہ کی جانب سے جاری اعلامیے میں تصدیق کی گئی ہےکہ آئی ایم ایف ایگزیکٹو بورڈ نے پاکستان کے لیے 70 کروڑ ڈالر جاری کرنےکی منظوری دے دی ہے۔
The Executive Board of the International Monetary Fund (IMF) completed the 1st review and allows for an immediate disbursement of SDR 528 million (around US$ 700 million) bringing the total disbursements under the SBA to US$ 1.9 billion.
— Ministry of Finance, Government of Pakistan (@Financegovpk) January 11, 2024
وزارت خزانہ کے مطابق پاکستان کو اسٹینڈ بائی معاہدے کے تحت 1 ارب 90 کروڑ ڈالر جاری ہوچکے ہیں۔وزارت خزانہ کا کہنا ہے کہ آئی ایم ایف ایگزیکٹوبورڈ نے پاکستان کو 70کروڑ ڈالر فوری جاری کرنےکی منظوری دی ہے۔خیال رہے کہ آئی ایم ایف کے جائزہ مشن نے پاکستان کو یہ قسط جاری کرنے کی سفارش کی تھی۔پاکستان آئی ایم ایف کی جانب سے پیش کردہ تمام پیشگی نکات پر عمل درآمد کرچکا ہے۔