ایک نیوز: واٹس ایپ نے مزید تین نئے فیچرز پر تجربہ کرنا شروع کر دیا ہے۔
تفصیلات کے مطابق واٹس ایپ بِیٹا ریلیز چینل پر تین نئے فیچرز متعارف کروانے والاہے۔ واٹس ایپ کا پہلا فیچر آئی فون صارفین کیلئے چیٹ کو لاک کرنے کا ہو گا۔ واٹس ایپ اینڈرائیڈ صارفین کے لیے ایک مزید فیچر لانچ کرنے والا ہے جس سے صارفین اپنا واٹس ایپ سٹیٹس اپنے فیس بک فرینڈز کو دکھا سکتے ہیں۔اس کے علاوہ بِیٹا ٹیسٹرز واٹس ایپ کا نیا فیچر ’وائس ٹرانسکرپشن فیچر‘ بھی استعمال کر سکتے ہیں جس کے ذریعے وائس نوٹ کو الفاظ میں بھی تبدیل کر سکیں گے۔ یہ فیچر آئی او ایس پر ایپ کے نئے ورژن پر موجود ہو گا۔
ان تمام نئے فیچرز میں وائس ٹرانسکرپشن واحد فیچر ہے جسے چلانے کے لیے آئی او ایس 16 کی اپڈیٹ کی ضرورت ہوگی۔ چیٹ لاک کا آپشن ایک مرتبہ لگا دینے کے بعد اسے کھولنے کے لیے آئی فون پر فیس آئی ڈی یا ٹَچ آئی ڈی سے تصدیق کرنی ہو گی۔ صارفین چیٹ انفارمیشن سیکشن کو استعمال کر سکتے ہیں یا پھر ایک نئے آپشن ’لاکڈ چیٹس‘ پر جا کر اُن چیٹس کو کھول سکتے ہیں۔
چیٹ لاک ہو جانے کے بعد میسج بھیجنے والے صارف اسے موصول کرنے والے صارف کے نام ٹریکر چھپا دے گا جبکہ تصاویر اور ویڈیوز خود بخود گیلری میں محفوظ نہیں ہوں گی۔ واٹس ایپ اپنا تعلق فیس بک سے واٹس ایپ سٹیٹس کے براہ راست شیئر کرنے کے ذریعے سے مزید گہرا کر رہا ہے۔ اینڈرائیڈ پر واٹس ایپ کے صارف اپنے فیس بک فرینڈز سے اپنا سٹیٹس تیزی سے شیئر کر سکیں گے۔ اس سے قبل صارفین اپنا سٹیٹس فیس بک پر شیئر کر سکتے تھے لیکن اس کے لیے انہیں ایپ کو چھوڑنا پڑتا تھا۔
واٹس ایپ نے آئی فون پر وائس ٹرانسکرپشن فیچر متعارف کروانا شروع کیا ہے اس فیچر سے صارفین کو بغیر ہینڈ فری لگائے یا بغیر فون سپیکر کے بغیر وائس نوٹ کو لکھے ہوئے الفاظ میں پڑھنے کی سہولت ملے گی۔ یہ فیچر ایسی صورتحال میں مفید ثابت ہو سکتا ہے جہاں کسی کے لیے وائس نوٹ سننا مشکل ہو۔
وائس ٹرانسکرپشن فیچر آئی او ایس کی ڈیوائس پر لگایا جائے گا جبکہ اِسے واٹس ایپ کے سرورز پر نہیں لگایا جائے گا جس کے تحت صارفین کے درمیان وائس پیغامات اینڈ ٹو اینڈ انکرپشن کے تحت محفوظ رہیں گے۔
ایپ لینگوئج پیک بھی متعارف کروائے گی جس کے ذریعے وائس نوٹ مختلف زبانوں میں ٹرانسکرپٹ کیا جا سکے گا۔ اِس فیچر کے ذریعے وائس نوٹ سے لکھے جانے والا میسج سرچ بھی کیا جا سکے گا۔