ایک نیوز نیوز: چیئرمین پاکستان تحریک انصاف اور سابق وزیراعظم عمران خان نے آج لاہور میں گورنمنٹ کالج یونیورسٹی میں منعقدہ جلسے سے خطاب کیا ہے۔ سیاسی پروگرام منعقد کرنے پر گورنر پنجاب بلیغ الرحمان نے نوٹس لیتے ہوئے رپورٹ طلب کرلی ہے۔
گورنر پنجاب محمد بلیغ الرحمان نے بطور چانسلر گورنمنٹ کالج یونیورسٹی میں پی ٹی آئی کے پروگرام کے انعقاد کا نوٹس لے لیا ہے۔ اپنے جاری کردہ بیان میں گورنر پنجاب نے کہا ہے کہ ملک کے نامور تعلیمی ادارے کو سیاسی اکھاڑا بنانا افسوسناک عمل ہے۔ جامعات میں اس طرح کے سیاسی جلسوں کی اجازت نہیں دے سکتے۔
گورنر پنجاب محمد بلیغ الرحمٰن نے بطور چانسلر گورنمنٹ کالج یونیورسٹی میں سیاسی پروگرام کے انعقاد کا نوٹس لے لیا!
— The Governor of Punjab (@GovOfPunjab) September 26, 2022
▪️ملک کے نامور تعلیمی ادارے گورنمنٹ کالج یونیورسٹی کا سیاسی اکھاڑہ بنانا افسوس ناک ہے۔
▪️جامعات میں اس طرح کے سیاسی جلسوں کی گنجائش نہیں۔ @MBalighurRehman
دوسری جانب پاکستان مسلم لیگ ن کی نائب صدر مریم نواز نے ردعمل میں مطالبہ کیا ہے کہ عمران خان کو جلسے کی اجازت دینے پر گورنمنٹ کالج یونیورسٹی کے وائس چانسلر کے خلاف کارروائی کی جائے۔
سماجی رابطوں کی ویب سائٹ ٹوئٹر پر ایک ٹوئٹ میں مریم نواز نے لکھا ہے کہ ایک فتنے کو تعلیمی ادارے کے احاطے میں جلسے کی اجازت دینے پر گورنمنٹ کالج یونیورسٹی کے وائس چانسلر کے کیخلاف سخت کارروائی ہونی چاہیے۔
Strict action must be taken against Vice Chancellor Government College Uni for desecrating an educational institution by lending it to a Fitna & organising his jalsa on the premises. Using a seat of learning for political hate-mongering is a crime that should not go unpunished.
— Maryam Nawaz Sharif (@MaryamNSharif) September 26, 2022
انہوں نے مزید لکھا کہ ایک ادارے کو سیاسی نفرت پھیلانے کے لیے استعمال کرنا ایک جرم ہے۔ کیا اس کی سزا نہیں ہونی چاہیے؟