ایک نیوز: سابق آرمی چیف جنرل قمر جاوید باجوہ دبئی سے پاکستان واپس آ گئے ہیں وہ بیرون ملک بیٹے کی سرجری کیلئے گئے تھے ،جس کے بعد وہ گزشتہ روز وطن واپس پہنچ گئے ہیں ۔
سینئر صحافی و اینکر منصور علی خان نے اپنے وی لاگ میں بتایا کہ گزشتہ چند دنوں سے ایک ویڈیو وائرل ہو رہی تھی جس میں سابق آرمی چیف ایک سگنل پر کھڑی ہیں جس پر تبصرے اور کمنٹ کیے جا رہے تھے کہ" جی دیکھیں اپنے وقت کا طاقتور انسان کس طرح بیرون ملک ایک اشارے پر کھڑا ہے ، اشارہ نہیں کاٹ سکتا، یہاں پاکستان میں کس طرح پروٹوکول کیساتھ چلتا تھا۔
منصور علی خان نے کہا کوئی کہہ رہا تھا کہ جی دیکھیں ملک میں یہ حالات ہیں اور یہ باہر چلے گئے ہیں اب یہ کبھی واپس نہیں آئیں گے ، تو ان سب کیلئے اطلاع ہے کہ جنرل (ر) قمر جاوید باجوہ ملک واپس آ گئے ہیں ان کے بڑے بیٹے کی سرجری تھی اس لیے وہ بیرون ملک گئے تھے اور اب وہ پاکستان میں ہی ہیں ۔