ایک نیوز: انتہاپسند مودی حکومت نے سوشل میڈیا کا گلا گھونٹنے کے لئے فیکٹ چیکنگ یونٹ کا قیام عمل میں لایا ہے جس پر بھارتی اور عالمی میڈیا کی جانب کڑی تنقید کی جارہی ہے ۔
EGI is disturbed by the amendments notified to the IT Rules 2021, by @GoI_MeitY giving itself authority to constitute a “fact checking unit”, with sweeping powers to determine what is “fake or false” wrt “business of Central Government”, and order take down to intermediaries. pic.twitter.com/8osEyM1RTS
— Editors Guild of India (@IndEditorsGuild) April 7, 2023
انڈین میڈیا کے ایڈیٹرز کی تنظیم ’ایڈیٹرز گِلڈ آف انڈیا‘ نے بھارتی حکومت کی جانب سے سوشل میڈیا پر خبروں کی چھان پھٹک کے لیے’فیکٹ چیکنگ یونٹ‘ کے قیام پر تشویش کا اظہار کیا ہے۔
رپورٹ کے مطابق انڈین میڈیا انڈسٹری کی تنظیم نے نئے قوانین کو سخت اور سنسرشپ کے مترادف قرار دیا ہے۔
آئی ٹی کے نئے قواعد میڈیا پلیٹ فارمز کے لیے یہ لازم قرار دیتے ہیں کہ وہ ’ایسی کوئی خبر شائع، نشر یا شیئر نہ کریں جو حکومت سے متعلق غلط معلومات پر مبنی ہو۔‘
انڈیا کے وزیراعظم نریندر مودی کی انتظامیہ مختلف سوشل میڈیا پلیٹ فارمز کے ساتھ بار بار تنازعات میں الجھتی رہی ہے۔سوشل میڈیا پلیٹ فارمز مودی حکومت کے ان مطالبات پر عمل کرنے میں ناکام رہے کہ مبینہ طور پر غلط معلومات پھیلانے کے الزام میں کچھ مواد یا اکاؤنٹس کو ہٹا دیا جائے۔
یادرہے بھارتی حکومت نے جمعرات کو اعلان کیا تھا کہ وہ جعلی، غلط یا گمراہ کن معلومات کی شناخت کے لیے ’فیکٹ چیک یونٹ‘ کا قیام عمل میں لا رہی ہے۔
اس اعلان کے بعد ایڈیٹرز گِلڈ آف انڈیا نے اس یونٹ کے گورننگ میکانزم، جعلی خبروں کے تعین میں اس کے وسیع اختیارات اور ایسے معاملات میں اپیل کرنے کے حق پر سوال اٹھایا ہے۔
تنظیم نے کہا کہ ’یہ سب کچھ نیچرل جسٹس کے اُصولوں کے منافی اور سنسرشپ کے مترادف ہے۔‘
تنظیم کے بیان کے مطابق ’اس طرح کے سخت قوانین کے بارے میں وزارت کا نوٹیفکیشن افسوسناک ہے۔ گِلڈ ایک بار پھر وزارت پر زور دیتا ہے کہ وہ اس نوٹیفکیشن کو واپس لے اور میڈیا تنظیموں اور پریس باڈیز سے مشاورت کرے۔‘
تاہم حکومت نے جمعے کو کہا کہ یہ قواعد سخت نہیں اور جعلی خبروں کی نشاندہی کرنے والے یونٹ کو بہت زیادہ اختیارات نہیں دیے گئے۔