خاتون کا پالتو کتا 4 ہزار ڈالر کیش کھا گیا

ویب ڈیسک:امریکی ریاست پنسلوانیا کے شہر پٹسبرگ میں ایک پالتو کتا 4 ہزار ڈالر کیش کھا گیا۔
کتے کی مالکن کلیٹن نے بتایا کہ بینک سے 4 ہزار ڈالر نکلوا کر گھر آئیں اور کیش کو کچن کے میز پر رکھ دیا اور کچھ دیر بعد سیسل آیا اور کیش کھا گیا۔
کلیٹن  نے کہا کہ یہ ایک غیر فطری عمل تھا جو سیسل نے کیا، اس نے میز پر رکھا کھانا کھانے کے بجائے کیش کو کھالیا، سیسل نے تقریباً آدھی رقم ہڑپ کر لی اور باقی آدھی پھاڑ دی تھی۔
پریشانی کے عالم میں مبتلا مالکن نے کتے سے پیسے ریکور کرنے کی ٹھانی اور گوگل پر سرچ کرکے طریقے تلاش کیے جہاں انہیں معلوم ہوا کہ بینک نقصان شدہ کیش کو جمع کرلیتا ہے اور پھر انہوں نے اپنے بینک کی برانچ سے رابطہ کرکے تمام تر صورتحال سے آگاہ کیا جس پر بینک انتظامیہ نے انہیں کتے کے پیسے اگلنے تک کا انتظار کرنے کا کہا۔
کلیٹن نے بتایا کہ پیسے ہڑپ کرنے کے چند گھنٹوں بعد سیسل نے الٹی کرکے پیسے اگلنا شروع کیے جب کہ کچھ رقم فضلے کے ذریعے نکالی۔ 4 ہزار ڈالر میں سے 3 ہزار 500 ڈالر کو ریکور کیا لیکن وہ تمام پیسے چھوٹے ٹکڑوں میں ریکور کیے گئے۔