ویب ڈیسک: شہید محترمہ بینظیر بھٹو کی آج 16 ویں برسی منائی جارہی ہے۔ جس پر آصفہ بھٹو زرداری اور بلاول بھٹو زرداری نے جذباتی پیغام شیئر کیے ہیں۔
سماجی رابطوں کی ویب سائٹ ایکس پر اپنے جاری کردہ بیان میں آصفہ بھٹو زرداری کا کہنا تھا کہ آج ہم 2007 کے اس تاریخ سیاہ دن کو یاد کر رہے ہیں جب ہماری والدہ شہید محترمہ بینظیر بھٹو کو شہید کردیا گیا۔ 16 برس بیت گئے ہیں لیکن ان کی جدائی کا دکھ اور نقصان کا احساس اس طرح ہو رہا ہے جیسے کہ وقت ٹھہر گیا ہو۔
Remembering our mother, Shaheed Mohtarma Benazir Bhutto, on the anniversary of that dark day in 2007. It's been 16 years, yet the pain of her loss lingers as if time stands still. Her laughter, advice, and loving embrace are missed every day. Her loss is a void that time can not…
— Aseefa B Zardari (@AseefaBZ) December 27, 2023
بیان میں کہا گیا ہے کہ ان کی ہنسی، مشورے اور محبت بھرا لمس ہرروز محسوس ہوتا ہے۔ ان کے جانے سے ایک ایسا خلا پیدا ہوگیا ہے جو وقت نہیں بھر سکتا اور وہ ایک ایسا گھر چھوڑ کر چلی گئی ہیں جو پہلے جیسا کبھی نہیں ہوگا۔
انہوں نے لکھا کہ عوام کے لیے 16 سال ہوگئے ہیں کہ وہ اپنا سب سے بڑا وکیل کھو بیٹھے ہیں۔ ایک ایسی آواز خاموش کردی گئی جو مظلوموں اور جبر کے شکار عوام کے لیے اٹھتی تھی۔ انہیں نفرت، لالچ اور جبر استبداد کی قوتوں نے خاموش کردیا اور 16 سال گزر جانے کے بعد بھی ہم انصاف کے انتظار میں ہیں۔
16 سال گزر گئے اور وہ روشنی مدھم نہیں ہوئی، بلاول بھٹو
My mother, Shaheed Mohtarma Benazir Bhutto, was a champion of the people. She consistently fought for the lives and dignity of the poor, the oppressed, the marginalised. She stood resolute in the face of the brutality of dictators and the barbaric violence of the terrorists they…
— BilawalBhuttoZardari (@BBhuttoZardari) December 27, 2023
سابق وزیرخارجہ اور شہید محترمہ بینظیر بھٹو کے صاحبزادے بلاول بھٹو زرداری نے سماجی رابطوں کی ویب سائٹ ایکس پر اپنے بیان میں کہا ہے کہ میری والدہ شہید محترمہ بے نظیر بھٹو عوام کی چمپئن تھیں۔ وہ غریبوں، مظلوموں، پسماندہ لوگوں کی زندگی اور عزت کے لیے مسلسل لڑتی رہی۔ وہ آمروں کے ظلم و بربریت اور دہشت گردوں کے وحشیانہ تشدد کے سامنے ثابت قدم رہیں۔
انہوں نے مزید لکھا کہ ان کی محبت، ہمدردی اور بہادری کی میراث ان تمام لوگوں کے لیے رہنمائی کی روشنی تھی جس کی میں نے خواہش کی تھی۔ 16 سال گزر گئے اور وہ روشنی مدھم نہیں ہوئی ۔