تفصیلات کے مطابق شوکت ترین کا کہنا تھا کہ الیکشن نہ ہوئے تو پاکستان کا حال سری لنکا جیسا ہوجائے گا۔
ادھر تحریک انصاف کے رہنما اسد عمر نے بھی حکومتی اقدامات کے حوالے سے بجٹ کو عدالت میں چیلنج کرنے کا اشارہ دے دیا۔
اسد عمر نے کہا ہے کہ اگر سینیٹ سفارشات پیش نہیں کرے گی تو یہ غیر قانونی بجٹ ہوگا، ملک کی تاریخ میں پہلی بار کسی نے اسمبلی سے باہر بیٹھ کر بجٹ پیش کیا۔
واضح رہے کہ وزیر خزانہ مفتاح اسماعیل نے کہا تھا کہ ماہانہ ایک لاکھ سے 3 لاکھ تنخواہ پر 12 فیصد ٹیکس ہوگا، سپر ٹیکس بینک اور شوگر انڈسٹری پر بھی ہوگا، سپر ٹیکس ون ٹائم ہوگا۔