ویب ڈیسک: صدرمملکت ڈاکٹر عارف علوی کے صاحبزادے عواب علوی نے این اے 241 سے کاغذات نامزدگی جمع کروادیے۔
تفصیلات کے مطابق انہوں نے سماجی رابطوں کی ویب سائٹ ایکس پر ایک تصویر کے ساتھ بیان میں لکھا ہے کہ گزشتہ کئی سالوں سے عمران خان کیلئے پردے کے پیچھے رہ کر کام کرنے کے بعد اب وقت آچکا ہے کہ سامنے آیا جائے۔
Mashallah have applied for Karachi NA-241
— Awab Alvi (@DrAwab) December 22, 2023
After having worked behind the scenes for Imran Khan, PTI & SMT for the past many many years - it is time to come out & to the frontline
The message of Chairman Imran Khan resonates in my heart — “I’ve done what I could, now it’s the… pic.twitter.com/y2HvyP1ji8
انہوں نے لکھا کہ عمران خان کہ یہ الفاظ ان کے دل میں اترچکے ہیں کہ انہوں نے جو کرنا تھا کردیا اب عوام کا کام ہے کہ وہ پاکستان کیلئے کچھ کریں۔
انہوں نے مزید لکھا کہ گزشتہ کئی ماہ میں پی ڈی ایم کے نااہل لوگوں نے پاکستان کے ساتھ جو کیا اس سے ساری قوم پریشان ہے۔ اب پاکستان کے کچھ لوگوں کی نہیں بلکہ ان 22 کروڑ عوام کی لڑائی ہے جو پاکستان میں ہی رہنا اور مرنا چاہتے ہیں۔
انہوں نے آخر میں لکھا کہ آج میں عمران خان ہوں اور 8 فروری کو ساری پاکستانی قوم بولے گی کہ ہم عمران خان ہیں۔