جنرل (ر)قمر جاوید باجوہ کی تردید

ایک نیوز :جنرل (ر )قمر جاوید باجوہ نے عمران خان کے حوالے سے جاوید چودھر ی کی باتوں کی تردید کردی ۔
تفصیلات کے مطابق معروف اینکر پرسن منصور علی خان نے دعویٰ کیا ہے کہ سابق آرمی چیف جنرل (ر) قمر جاوید باجوہ نے اپنے حوالے سے جاوید چوہدری کے کالم کے ایک حصے کی تر دید کی ہے  ۔ 
منصور علی خان نے دعویٰ کیا کہ جنرل باجوہ نے مجھے خود فون کر کے کہا کہ کالم کا یہ حصہ ٹھیک نہیں ہے میں نے یہ نہیں کہا تھا کہ ہماری ریڈنگ تھی یہ لوگ ملک کے لیے خطرناک ہیں ، یہ رہے تو ملک نہیں رہے گا۔
منصور علی خان نے کہا کہ میں نے جنرل باجوہ سے یہ بھی درخواست کی کہ یہ خبر میں آپ کا نام لے کر دوں گا کیونکہ اس میں آپ براہ راست تردید کر رہے ہیں جس پر انہوں نے مجھے اجازت دی۔
واضح رہے کہ چند روز قبل جاوید چودھری نے ایک کالم لکھا تھا جس میں انہوں نے سابق آرمی چیف جنرل قمر جاوید باجوہ سے ملاقات کے بعد کچھ اہم انکشافات کیے تھے ۔ اس کالم کے ایک حصے میں لکھا گیا تھا 'جنرل باجوہ نے کہا میں نے مشکل لیکن ٹھیک فیصلے کیے ، جاوید چودھری نے سوال کیا کہ یہ ٹھیک فیصلہ کیسے تھا؟ جس پر جنرل باجوہ نے کہا کہ ہماری ریڈنگ تھی یہ لوگ ملک کے لیے خطرناک ہیں ،یہ رہے تو ملک نہیں رہے گا۔