ایک نیوز : معروف اداکارہ ماہرہ خان نے شادی کے بعد شوہر سلیم کریم کے نئی تصاویر سوشل میڈیا پر جاری کردی ہیں۔
View this post on Instagram
چند روز قبل ماہرہ خان نے اپنے قریبی دوست سلیم کریم کے ساتھ ایک پُروقار تقریب کے دوران شادی کی جس کی تصاویر اور ویڈیوز سوشل میڈیا پر وائرل ہورہی ہیں اور پاکستان بھارت دونوں ممالک میں اداکارہ کی دوسری شادی کے خوب چرچے ہورہے ہیں۔دونوں ممالک کے شوبز ستارے اور مداحوں کی جانب سے نیک خواہشات کا اظہار کرنے کا سلسلہ جاری ہے۔
شادی کی تقریبات کی تصاویر کے بعد ماہرہ خان نے اپنے انسٹاگرام ہینڈل پر چند نئی تصاویر پوسٹ کی ہیں جن میں اُنہیں اپنے شوہر سلیم کریم اور چند دوستوں کے ہمراہ دیکھا جاسکتا ہے۔
تصاویر دیکھ کر بظاہر یہ لگ رہا ہے کہ اس جوڑے نے شادی کے بعد اپنے دوستوں کے لیے پارٹی کا اہتمام کیا۔
ماہرہ خان نے پارٹی میں معروف ڈیزائنر ’زارا شاہ جہاں‘ کا سُرخ اور سفید رنگ کا دلکش لہنگا اور چولی زیب تن کیا۔
دوسری جانب ماہرہ خان کی ایک اور پوسٹ پر بالی ووڈ اداکار ورون دھون نے اُنہیں شادی کی مبارکباد دی اور کہا کہ ‘آپ تمام خوشیوں کی مستحق ہیں’۔