دوران انٹرویو صبا قمر سے اداکار فیصل قریشی کی جانب سے ان کی عمر پر دیے گئے بیان پر بھی سوال کیا گیا جس پر اداکارہ نے کہا کہ 'فیصل جی کی میں بہت عزت کرتی ہوں، وہ بہت بڑے اداکار اور قابلِ احترام ہیں، یہ ان کا نظریہ ہے جس کی میں عزت کرتی ہوں'۔
صبا قمر نے طنزیہ کہا کہ 'کیا کروں فیصل جی، پھر بھی ڈراموں میں مجھے ہیروئن لے لیتے ہیں'۔
واضح رہے کہ کچھ روز قبل فیصل قریشی نے ڈرامے میں صبا قمر کی عمر سے متعلق بات کی تھی جس کا اسکرین شاٹ وائرل ہوگیا تھا۔
فیصل قریشی نے کہا کہ 'اگر یہ ڈرامے میں 24 سال کی ہے تو مجھے بھی 27 کا بناؤ'۔
اس کے علاوہ صبا قمر سے انٹرویو میں عامر لیاقت کے حوالے سے پوچھا گیا۔
اداکارہ نے جواب میں ٹھنڈی آہ بھرتے ہوئے کہا کہ 'اللہ سے یہ ہی دعا کرتی ہوں کہ وہ عامر لیاقت کو صبر دے، عزت دے اور ہدایت دے'۔