ایک نیوز:نامزدگورنرپنجاب سردارسلیم حیدر کل عہدے کا حلف اٹھائیں گے۔سیکرٹری کابینہ نے حکومت کو آگاہ کردیا۔
تفصیلات کے مطابق حلف برداری کی تقریب کل گورنرہاؤس کے سبزہ زار میں5بجےمنعقد ہوگی۔ چیف جسٹس لاہور ہائی کورٹ شہزاد خان نئے گورنر سے عہدے کا حلف لیں گے۔ تقریب میں پیپلز پارٹی کے پنجاب بھر سے تنظیمی عہدے دار تقریب میں شریک ہوں گے۔
وفاقی حکو مت نے نئے گورنر پنجاب کی تعیناتی کے لئے اقدامات شروع کردئیے ۔سیکرٹری کیبنٹ ڈویژن کامران علی افضل نے سردار سلیم حیدر خان کو گورنر پنجاب بنانے کے وفاقی حکومت کے فیصلہ سے حکومت پنجاب کو باضابط آگاہ کر دیا۔
سیکرٹری کیبنٹ ڈویژن نے چیف سیکرٹری کو سردار سلیم حیدر کو گورنر پنجاب نامزد ہونے کے بارے باقاعدہ خط لکھ دیا۔
سیکرٹری کیبنٹ ڈویژن کامران علی افضل نے چیف پنجاب زاہد اختر زمان کو سردار سلیم حیدر خان کی حلف برداری کے انتظامات کرنے کی ہدایت کردی ۔
چیف سیکرٹری نئے نامزد گورنر سردار سلیم حیدر خان کی حلف برداری کے انتظامات مکمل کرنے کے بعد وفاقی حکومت کو آگاہ کریں گے۔