ایک نیوز نیوز: وزیر اعظم میاں محمد شہباز شریف کا 2 روزہ دورہ ترکیہ اختتام پذیر ہوگیا۔ قبل ازیں شہبازشریف کے استنبول میں فارن اکنامک ریلیشن بورڈ آف ترکی کے زیر اہتمام منعقدہ اجلاس میں شرکت کا اعلامیہ جاری کردیا گیا۔
اعلامیہ کے مطابق اجلاس میں نوید قمر، مریم اورنگزیب، سید طارق فاطمی اور فہد حسین نے شرکت کی۔ اس کے علاوہ ترکی کے وزیر تجارت مہمت موش اور نیل اولپاک کاروباری وفود کے ساتھ شریک ہوئے۔ وزیراعظم نے اہم شعبوں، فوڈ پروسیسنگ، مہمان نوازی، تعمیرات، آئی ٹی خدمات اور ای کامرس میں مواقعوں پر روشنی ڈالی۔
شرکاء نے وزیراعظم کو دوطرفہ تجارتی اور اقتصادی تعلقات کو مزید گہرا کرنے میں اپنا کردار جاری رکھنے کی یقین دہانی کرائی۔
وزیراعظم نے پاکستان اور ترکی کے درمیان تجارتی تعلقات کو فروغ دینے میں ڈی ای آئی کے کے کردار کو سراہا اور دونوں اطراف کے تاجروں کو باہمی فائدہ مند روابط کو مزید فروغ دینے پر زور دیا۔
اس موقع پر وزیراعظم کا کہنا تھا کہ پاکستان اور ترکیہ تجارتی اور سرمایہ کاری کے تعلقات کو مزید مضبوط کریں گے۔ تجارت کا معاہدہ ٹی جی اے دونوں تجارتی حجم حاصل کرنے کی بنیاد بنے گا۔
قبل ازیں استنبول میں ترکیہ پاکستان بزنس کونسل سے خطاب کرتے ہوئے وزیراعظم شہبازشریف کا کہنا تھا کہ ماضی میں ترکیہ کمپنیوں کیلئے پاکستان میں کچھ مشکلات رہی ہیں، 3 سال میں ترکیہ کے ساتھ تجارتی حجم کو 5 بلین ڈالرز تک بڑھائیں گے، یقین دلاتا ہوں ترکیہ کے سرمایہ کاروں کی جانب سے شکایات کا ازالہ کریں گے۔
In addition to reviewing the whole spectrum of bilateral relations, President Erdogan & I discussed ways and means to achieve the target of increasing trade volume to $5 billion in 3 years. We vowed to ensure effective implementation of Trade in Goods Agreement in this regard.
— Shehbaz Sharif (@CMShehbaz) November 26, 2022
انہوں نے کہا کہ میں خیرمقدم کرنے پر ترکیہ صدر طیب اردوان کا مشکور ہوں، گزشتہ روز ترکیہ صدر طیب اردوان سے خوشگوار ملاقات ہوئی ،استنبول میں گزشتہ روز کی تقریب پاک ترکیہ بہترین تعلقات کی مثال ہے، ترکیہ کے صدر سے باہمی تعلقات کے فروغ سمیت اہم امور پر بات کی، بزنس کمپنیوں کا یہ اجلاس تجارت کے فروغ کیلئے معاون ثابت ہوگا۔