مسجد الحرام کے اطراف سےہزاروں بھکاری گرفتار

ویب ڈیسک: مکہ مکرمہ میں مسجد الحرام کے علاوہ مختلف مقامات سے 4ہزارسےزائد بھکاریوں کوگرفتار کرلیاگیا۔
عرب نیوز کے مطابق محکمہ امن عامہ نے شہریوں اور مملکت میں مقیم غیر ملکیوں کو ہدایت کی ہےکہ وہ پیشہ ور گداگروں کو صدقہ خیرات نہ دیں۔
سعودی حکام کا کہنا ہےکہ گداگری اسلام میں سختی سے منع ہے، زائرین کسی کو صدقہ خیرات نہ دیں۔ گداگری ملک کے امن  کے لیے بھی خطرناک ہےکیونکہ  ان گداگروں کے پیچھے منظم مافیا ہوتی ہے اور  یہ دہشت گرد تنظیموں کی مالی مدد میں بھی ملوث ہوسکتے ہیں۔
سعودی حکام کا کہنا ہے کہ  ماہ رمضان میں بھکاریوں کی بڑی تعداد سعودی عرب پہنچی ہے۔
سعودی حکام کے مطابق  ماہ  رمضان المبارک میں سکیورٹی پلان پر سختی سے عمل کیا جا رہا ہے۔