ایک نیوز(چودھری اشرف)لاہور قلندرز ملتان سلطانز کے خلاف کھیلنے کے بعد لاہور پہنچ گئی۔ 
لاہور قلندرز پچھلے رات کے میچ کے بعد چارٹرڈ فلائٹ کے ذریعے لاہور پہنچ گئے، ‎لاہور قلندرز نے اب تک چار میچ کھیلے ہیں، جن میں سے دو جیتے ہیں۔ 
لاہور قلندرز24اپریل سے لاہور میں اپنےہوم میچز کا آغاز کرے گی، لاہور قلندرز پی ایس ایل پوائنٹس ٹیبل پر چار پوائنٹس کے ساتھ تیسرے نمبر پر ہیں اور ان کا نیٹ رن ریٹ 1.095 ہے۔
خیال رہے کہ گزشتہ روز میچ میں ملتان سلطانز نے لاہور قلندرز کو 33رنز سے ہرا کر ایونٹ کی پہلی فتح اپنے نام کی تھی۔
ملتان میں کھیلے جانیوالے پی ایس ایل سیزن 10 کے 12 ویں میچ میں ملتان سلطانز نے ٹاس جیت کر پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 228 رنز بنائے۔
ملتان سلطانز کے یاسر خان دھواں دار اننگ کھیلتے ہوئے 87 رنز بنا کر نمایاں رہے، عثمان خان 39، کپتان محمد رضوان 32، ایشٹن ٹرنر 15 اور مائیکل بریسویل 9 رنز بنا کر آؤٹ ہوئےجبکہ افتخار احمد 40 اور کامران غلام3رنز بنا کر ناٹ آؤٹ پویلین واپس لوٹ گئے۔
لاہور قلندرز کے رشاد حسین نے 2جبکہ آصف آفریدی، سکندر رضا اور شاہین شاہ آفریدی نے 1،1 وکٹ حاصل کی،حارث رؤف 3 اوورز میں 54 رنز دے کر سب سے مہنگے بولر ثابت ہوئے۔
ہدف کے تعاقب میں لاہور قلندرز کی ٹیم 9 وکٹوں کے نقصان پر 195 رنز  ہی بنا سکی،لاہور قلندرز  کے  فخر زمان32، محمد نعیم 11،عبداللہ شفیق 18،ڈیرل مچل 19،سیم بلنگزنے 43رنز بنائے جبکہ سکندر رضا 50رنز بنا کر نمایاں بیٹر  اور ناٹ آؤٹ رہے۔
 پاکستان سپر لیگ میں اب تک دونوں ٹیموں کے درمیان 16 مرتبہ آمنا سامنا ہو چکا ہے، آٹھ مرتبہ اسلام آباد یونائیٹڈ اور آٹھ ہی مرتبہ ملتان سلطانز ٹیم نے کامیابی حاصل کر رکھی ہے۔
 پوائنٹس ٹیبل پر اسلام آباد یونائیٹڈ آٹھ پوائنٹس کے ساتھ پہلے، کراچی کنگز چھ پوائنٹس کے ساتھ دوسرے، لاہور قلندرز چار پوائنٹس کے ساتھ تیسرے، پشاور زلمی دو پوائنٹس کے ساتھ چوتھے، کوئٹہ گلیڈی ایٹرز دو پوائنٹس کے ساتھ پانچویں جبکہ ملتان سلطان دو پوائنٹس کے ساتھ چھٹے نمبر پر موجود ہے۔