ایک نیوز:پاکستان سپر لیگ 10میں دلچسپ مقابلوں کا سلسلہ جاری ہے،آج پی ایس ایل میں لاہور قلندرز کا مقابلہ ملتان سلطانز سے ہوگا،میچ رات 8بجے ملتان کرکٹ سٹیڈیم میں کھیلا جائے گا۔
خیال رہے کہ گزشتہ روز پی ایس ایل سیزن10کے گیا رہویں میچ میں کراچی کنگز نے پشاور زلمی کو 2وکٹوں سے شکست دے دی تھی۔
کراچی میں کھیلے جانیوالے میچ میں کراچی کنگز نے پشاور زلمی کیخلاف ٹاس جیت کر پہلے بولنگ کا فیصلہ کیاتھا،پشاور زلمی نے پہلےکھیلتے ہوئے مقررہ 20 اوور میں 8 وکٹ کے نقصان پر 147 رنز بنائے،بابر اعظم نے 46، محمد حارث نے 28 رنز بنائے، الزاری جوزف نے 24 اور حسین طلعت نے 18رنز بنائے۔
کراچی کنگز کی جانب سے خوشدل شاہ اور عباس آفریدی نے تین، تین وکٹیں حاصل کیں۔
148رنز کا ہدف کراچی کنگز نےآخری اوور میں حاصل کیا ،کراچی کنگز کی ٹیم 6پوائنٹس کیساتھ دوسرے نمبر پر آگئی،ڈیوڈ وارنر نے 60 رنز کی اننگز کھیلی جبکہ خوشدل شاہ 23 رنز بناکر ناقابل شکست رہے۔
پشاور زلمی کی جانب سے لیوک ووڈ نے3اور علی رضا نے2کھلاڑیوں کو آؤٹ کیا۔