ویب ڈیسک: پی ایس ایل سیزن 10 کے گیا رہویں میچ میں کراچی کنگز نے پشاور زلمی کو 2وکٹوں سے شکست دے دی ہے۔

تفصیلات کے مطابق کراچی میں کھیلے جانیوالے میچ میں کراچی کنگز نے پشاور زلمی کیخلاف ٹاس جیت کر پہلے بولنگ کا فیصلہ کیا۔

پشاور زلمی نے پہلےکھیلتے ہوئے مقررہ 20 اوور میں 8 وکٹ کے نقصان پر 147 رنز بنائے،بابر اعظم نے 46، محمد حارث نے 28 رنز بنائے، الزاری جوزف نے 24 اور حسین طلعت نے 18رنز بنائے۔

کراچی کنگز کی جانب سے خوشدل شاہ اور عباس آفریدی نے تین، تین وکٹیں حاصل کیں۔

148رنز کا ہدف  کراچی کنگز نےآخری  اوور میں حاصل کیا ،کراچی کنگز کی ٹیم 6پوائنٹس کے ساتھ دوسرے نمبر پر آگئی۔

ڈیوڈ وارنر نے 60 رنز کی اننگز کھیلی جبکہ خوشدل شاہ 23 رنز بناکر ناقابل شکست رہے۔

پشاور زلمی  کی جانب سے لیوک ووڈ نے 3 اور علی رضا نے 2 کھلاڑیوں کو آؤٹ کیا۔