ایک نیوز:پاکستان سپر لیگ ٹین میں دلچسپ مقابلے جاری ہیں،آج پی ایس ایل 10میں کراچی کنگزکا مقابلہ اسلام آباد یونائیٹڈ سےہوگا،میچ رات 8بجے نیشنل سٹیڈیم کراچی میں شروع ہوگا۔
گزشتہ روز پی ایس ایل سیز ن10کے میچ میں ملتان سلطانز کو مسلسل تیسرے میچ میں شکست کا سامناکرنا پڑا تھا،پشاور زلمی نے ملتان سلطانز کو120رنز سے شکست دے دی تھی۔
پشاور زلمی نے پہلے کھیلتے ہوئے 7وکٹوں کے نقصان پر 227رنز بنائے، ٹام کوہلرکیڈ مور30گیند و ں پر 52رنز کے ساتھ نمایاں رہے،محمد حارث 45،عبدالصمد40،طلعت حسین 37رنز بنا کر آؤٹ ہوئے۔

یہ بھی پڑھیں : محسن نقوی کا قومی ویمنز کرکٹ ٹیم کو  ورلڈ کپ   کیلئے  بھارت نہ بھیجنے کا اعلان 

ملتان سلطانز کی جانب سے ڈیوڈ ویلی، مائیکل بریسویل اور عبید شاہ نے 2، 2 جبکہ افتخار احمد نے 1 کھلاڑی کو آؤٹ کیا۔
228رنز کے ہدف کے تعاقب میں ملتان سلطانز 107رنز بنا کر آؤٹ ہوئے،ملتان سلطانز کے 7 کھلاڑی ڈبل فیگر میں میں داخل نہ ہوسکے،عثمان خان 7،شاپ ہوئی 20،محمد رضوان 15رنز بنا سکے۔
پشاور زلمی کے علی رضا 4،عارف یعقوب نے3کھلاڑیوں کو آؤٹ کیا۔
واضح رہے کہ  پشاور زلمی کی ٹیم دو میچوں میں ناکامی کے بعد پہلا مقابلہ جیتنے میں کامیاب ہوئی ہے جبکہ ایونٹ میں ملتان سلطانز کی یہ مسلسل تیسری ناکامی ہے۔
پوائنٹس ٹیبل پر اسلام آباد یونائیٹڈ 6 پوائنٹس کے ساتھ ٹاپ پر جبکہ لاہور قلندرز 4 پوائنٹس کے ساتھ دوسرے نمبر پر ہے۔