حماس کا اسرائیل پر جنگ بندی معاہدےکی خلاف ورزی کا الزام

 ویب ڈیسک:حماس نے اسرائیل  پر معاہدےکی طے شدہ  شرائط کی خلاف ورزی کا الزام عائدکیا ہے۔
حماس کے سیاسی بیورو کے سربراہ اسماعیل ہنیہ کے مشیر طاہر النونو نے ایک بیان میں کہا ہےکہ  اسرائیل نے معاہدے کی بہت سی خلاف ورزیاں کی ہیں، اسرائیل نےامدادی ٹرکوں کے غزہ میں داخلےکی شرائط پرعمل نہیں کیا، اسرائیل نے قیدیوں کی رہائی کے لیے طے شدہ معیار پر بھی عمل نہیں کیا۔
 حماس رہنما کا کہنا تھا کہ ہم اب بھی معاہدے کی شرائط پر نظر  رکھے ہوئے ہیں، اسرائیل  اور  اقوام متحدہ کوپیغام دے رہے ہیں کہ کوئی بھی عذر ناقابل قبول ہے، ہم ثالث کےکردار کے لیے تیار ہیں، نئے معاہدوں تک  پہنچنےکے لیے سنجیدگی سے راہیں تلاش کرنےکے لیے بھی تیار ہیں۔