زمان پارک میں پولیس اور پی ٹی آئی کارکنوں میں تصادم، ایک نوجوان جاں بحق

زمان پارک میں پولیس اور پی ٹی آئی کارکنوں میں تصادم، ایک نوجوان جاں بحقزمان پارک میں پولیس اور پی ٹی آئی کارکنوں میں تصادم، ایک نوجوان جاں بحق

ایک نیوز: تحریک انصاف کے مرکزی سیکرٹری اطلاعات و سابق وزیر مملکت فرخ حبیب نے کہا ہے کہ   زمان پار ک میں پولیس کے تشدد کے نتیجے میں  ان کا ایک کارکن شہید  اور درجنوں زخمی ہوگئے ہیں۔ شہید ہونے والے کارکن علی بلال  پر پولیس تشدد کی ویڈیو بھی سامنے آگئی ہے۔ دوسری جانب علی بلال کے انتقال پر پنجاب پولیس کا ردعمل بھی آگیا ہے۔

یہ بھی پڑھیں: علی بلال کی شہادت پر عمران خان نے بڑا اعلان کردیا

سماجی رابطے کی ویب سائٹ ٹویٹر پر اپنے پیغام میں فرخ حبیب نے لکھا کہ فاشسٹ حکومت نے ظلم کی انتہا کردی ۔  پی ٹی آئی کے پرانے ورکر علی بلال کو پولیس کے ظلم اور تشدد سے شہید کردیا گیا ہے۔ اس امپورٹڈ حکومت نے کارکنوں کا خون بہانا شروع کردیا ہے۔

دوسری جانب سابق ترجمان پنجاب حکومت مسرت جمشید چیمہ کا کہنا ہے کہ رانا ثنا اللہ اور محسن نقوی اپنے مشن میں کامیاب ہوگئے. انہوں نے ایک ماں سے ان کا بیٹا اور کسی بہن سے اس کا بھائی چھین لیا. ہمیں پتہ تھا یہ پولیس اہلکار آج اپنے آقا کے حکم پر خون پینے آئے ہوئے ہیں اسی لیے ہم نے ریلی نہیں نکالی لیکن رانا ثنا ءاللہ نے پھر بھی ایک سانحہ ماڈل ٹاؤن دہرا دیا۔

انہوں نے مزید کہا کہ ایک نہتے محب وطن شہری کا خون ان قاتلوں کے سر ہے جنہوں نے آج پولیس اہلکاروں کو حکم دیا تھا کہ جتنے بندے مرتے ہیں مار دو. آج پولیس اہلکاروں کی آنکھوں میں خون تھا. خواتین پر ڈنڈے برسائے گئے، ان پر تشدد کیا گیا. ہمیں اس نظام سے اب انصاف کی امید نہیں رہی.

تاہم ایک اور ویڈیو میں دیکھا جاسکتا ہےکہ تحریک انصاف کے رہنما محمود الرشید پی ٹی آئی کے جاں بحق ورکر کی میت کے پاس کھڑے ہیں۔ ہسپتال میں انہیں پولیس کی جانب سے بریف کیا جارہا ہےکہ علی بلال کا انتقال روڈ ایکسیڈنٹ کی وجہ سے ہوا ہے۔

شیئر کریں: