ایک نیوز( سدھیر چودھری): چودھری پرویز الہٰی کے دست راست اور سابق پرنسپل سیکرٹری محمد خان بھٹی کا دفعہ 164 کے تحت دیئے گئے اقبالی بیان کی نقل ایک نیوز نیوز کو حاصل ہوگئی ہے۔
تفصیلات کے مطابق اپنے اقبالی بیان میں محمد خان بھٹی نے پرویز الہٰی اور مونس الہٰی کی کرپشن کہانی کھول کر رکھ دی ہے۔اس کے ساتھ ہی محمد خان بھٹی کے اربوں کے اثاثوں کی تفصیلات بھی مل گئی ہیں۔سابق وزیر اعلیٰ کے پرنسپل سیکرٹری محمد خان بھٹی نے بڑے انکشافات کیے ہیں۔محمد خان بھٹی نے گرفتاری کے وقت کوئٹہ میں بیان دیا کہ جج نے اپنے دو بیٹوں کو فرنٹ مین رکھا تھا جو کک بیکس لے کر تعیناتیاں کراتے،پی ٹی آئی قیادت اور پرویز الہٰی کی ہدایت تھی جج کے بیٹوں کا کام نہیں رکنا چاہئے،26 فروری 2023 کو چمن کے راستےافغانستان فرار ہونے کوشش کی،چمن بارڈرپرپولیس نے روکنے کی کوشش کی،پولیس نے مجھے اور ساتھی سمیت گرفتار کیا۔
محمد خان بھٹی نے اپنے بیان میں کہا ہے کہ رائیونڈ میں ساڑھے 4 ایکڑ زمین پر فارم ہاؤس ہے،منڈی بہاؤالدین میں 150 ایکڑ زرعی اراضی اور 200 مویشیوں پر مشتمل ڈیری فارم ہے،جوہر ٹاؤن لاہور میں 8 مرلے کا گھر، اتحاد ٹاؤن میں 7 مرلہ کمرشل اور 10 مرلہ رہائشی پلاٹ ہے،مونس الہٰی کے ذریعے شوگر مل میں 25 کروڑ روپے اور رحیم یارخان شوگر مل میں 10 کروڑ روپے کی سرمایہ کاری کی،خواجہ موٹرز لاہور میں 10 کروڑ، سرگودھا مال نظام حیدر کے ساتھ 7 کروڑ روپے کی سرمایہ کاری کی،2021 میں رانااقبال سے 20 لاکھ روپے رشوت لے کر نوکری دی،ہائی ویز منڈی بہاؤالدین کے ٹینڈر میں رانا اقبال سے ساڑھے 19 کروڑ روپے وصول کیے،رانا اقبال کو بعد میں ایکسین قصور لگانے کیلئے 30 لاکھ روپے وصول کیے،سابق ڈسکہ ہائی وے ٹینڈر میں ٹھیکیدار نوید سے2 کروڑ روپے کی رشوت لی۔چوہدری پرویز الہٰی کے کہنے پر پنجاب اسمبلی میں 500 افراد بھرتی کیے،پرویز الہٰی اور مونس الہٰی نے گجرات میں 50 لاکھ کے ٹینڈر میں 35 فیصد کمیشن لیا،مونس الہیٰ نے لاہورکے ماسٹر پلان میں ملک ریاض اور دیگر کو فائدہ دے کر اربوں روپے لئے۔
ذرائع اینٹی کرپشن کا کہنا ہے کہ محمد خان بھٹی کا بیان ریکارڈ پر ہے،چودھری بھی محمد خان بھٹی کی کرپشن میں شامل ہیں۔محمد خان بھٹی سے کرپشن کے مزید انکشافات ہوں گے۔مزید کہا کہ اس نے 26 فروری 2023 کو چمن کے راستےافغانستان فرار ہونے کوشش کی، چمن بارڈرپرپولیس نے روکنے کی کوشش کی، ہم نےپولیس پرجوابی فائرنگ کی،پولیس کی جوابی کارروائی سےکارکےٹائر پھٹ گئے، پولیس نے مجھے 2 کلاشنکوف اور ساتھی سمیت گرفتار کر لیا۔